İlham Əliyev Ankaradakı Heydər Əliyev Parkı ilə tanış olmuşdur

13 noyabr 2013, 09:45
İlham Əliyev Ankaradakı Heydər Əliyev Parkı ilə tanış olmuşdur

Türkiyə Respublikasında rəsmi səfərdə olan Prezident İlham Əliyev Ankarada yenidən qurulan Heydər Əliyev parkı ilə tanış olmuşdur.

Prezident İlham Əliyev ulu öndər Heydər Əliyevin parkda ucaldılan abidəsi önünə gül dəstəsi qoyaraq xatirəsini yad etdi.
Azərbaycan dövlətinin başçısı parkla tanış oldu.

Türkiyənin müxtəlif şəhərlərində Azərbaycan xalqının ümummilli lideri Heydər Əliyevin adını daşıyan onlarla küçə, park, meydan, təhsil müəssisəsi vardır. Ulu Öndərin xatirəsinin əbədiləşdirilməsi istiqamətində görülən işlərdən biri də Türkiyə paytaxtında yaradılan bu parkdır. Hələ 2004-cü ildə salınmış parkda bir müddət əvvəl əsaslı yenidənqurma işləri aparılmışdır. Nəticədə, bu park Türkiyə paytaxtının ən gözəl istirahət mərkəzlərindən birinə çevrilmişdir.

Heydər Əliyev Parkının konsepsiyası bir növ dahi şəxsiyyətin mənalı ömür yolu və zəngin siyasi fəaliyyəti, eyni zamanda, bu fəaliyyətin ən böyük əsəri olan müstəqil Azərbaycanın bugünkü surətli inkişafı və ölkəmizin qardaş Türkiyə ilə münasibətlərinin yüksək səviyyəsini əks etdirir.

Azərbaycan Prezidentinə məlumat verildi ki, parkın giriş meydanının ümumi sahəsi 19,23 kvadratmetrdir və bu rəqəm Ulu Öndərin anadan olduğu 1923-cü ilin rəmzidir. Buradakı şəlalə yaşam rəmzi kimi düşünülmüşdür.

Park 8 hektar sahəni əhatə edir. Bu istirahət məkanındakı şərait - mərasim meydanı, idman meydançası, uşaq əyləncə sahəsi bütün yaş qrupundan olan şəhər sakinlərinin öz zövqünə uyğun istirahət etmələri üçün imkanlar yaradır. Təbiətin qorunması, ətraf mühitə qayğı Heydər Əliyevin xüsusi önəm verdiyi sahələrdən olmuşdur. Ulu Öndərin adını daşıyan parkda bu işə xüsusi diqqət yetirilmişdir. Belə ki, burada ilk dəfə olaraq xüsusi texnologiyadan istifadə edilərək, “ağıllı drenaj sistemi” adlanan yeni sistem tətbiq edilmişdir.

Azərbaycan Prezidentinin diqqətinə çatdırıldı ki, parkda aparılan işlərdə Ankaranın iqlim şəraiti də nəzərə alınmış və yenidənqurma işlərində ən yüksək keyfiyyətə malik materiallardan istifadə olunmuşdur. Bütövlükdə incə zövqlə görülən işlər nəticəsində ulu öndər Heydər Əliyevin adını daşıyan parkda ankaralıların və şəhərin qonaqlarının mənalı istirahəti üçün hər cür şərait yaradılmışdır. Parkın girişində ağ mərmərdə əks edilən “Heydər Əliyev Parkı” sözləri axşam saatlarında Azərbaycan bayrağının rəngləri ilə işıqlandırılır. 

gallery-photogallery-photogallery-photogallery-photogallery-photogallery-photogallery-photogallery-photogallery-photogallery-photogallery-photogallery-photo
SƏNƏDLƏR Fərmanlar 28 mart 2024
14:39
“Avtomobil yolları haqqında” Azərbaycan Respublikasının Qanununda dəyişiklik edilməsi barədə” Azərbaycan Respublikasının 2024-cü il 23 fevral tarixli 1101-VIQD nömrəli Qanununun tətbiqi və “Avtomobil yolları haqqında” Azərbaycan Respublikası Qanununun tətbiq edilməsi barədə” Azərbaycan Respublikası Prezidentinin 2000-ci il 10 mart tarixli 299 nömrəli Fərmanında dəyişiklik edilməsi haqqında Azərbaycan Respublikası Prezidentinin Fərmanı

Azərbaycan Respublikası Konstitusiyasının 109-cu maddəsinin 19-cu və 32-ci bəndlərini rəhbər tutaraq, “Avtomobil yolları haqqında” Azərbaycan Respublikasının Qanununda dəyişiklik edilməsi barədə” Azərbaycan Respublikasının 2024-cü il 23...

28 mart 2024, 14:39
SƏNƏDLƏR Fərmanlar 27 mart 2024
14:10
Azərbaycan Respublikası Prezidentinin 2017-ci il 25 dekabr tarixli 1760 nömrəli Fərmanı ilə təsdiq edilmiş “Azərbaycan Respublikasının İpoteka və Kredit Zəmanət Fondunun Nizamnaməsi”ndə dəyişiklik edilməsi haqqında Azərbaycan Respublikası Prezidentinin Fərmanı

Azərbaycan Respublikası Konstitusiyasının 109-cu maddəsinin 32-ci bəndini rəhbər tutaraq, “Qiymətli kağızlar bazarı haqqında” Azərbaycan Respublikasının Qanununda dəyişiklik edilməsi barədə” Azərbaycan Respublikasının 2023-cü il 6 iyul...

27 mart 2024, 14:10