Gerb

18 noyabr 2013, 14:00
W1siziisijiwmtuvmdyvmtuvzxd4nm9km2w5xzi2mjc4lmpwzyjdlfsiccisinrodw1iiiwinju0edmynymixv0?sha=762ff973b1ef1cf1

Kiyevdə, Ukrayna Prezidenti Administrasiyasının binası qarşısında Prezident İlham Əliyevin rəsmi qarşılanma mərasimi olmuşdur.

Azərbaycanın və Ukraynanın dövlət bayraqları ilə bəzədilmiş meydanda dövlətimizin başçısının şərəfinə fəxri qarovul dəstəsi düzülmüşdü.

Azərbaycan Prezidenti İlham Əliyevi Ukrayna Prezidenti Viktor Yanukoviç qarşıladı.

Fəxri qarovul dəstəsinin rəisi Azərbaycan Prezidentinə raport verdi.

Hərbi orkestrin ifasında Azərbaycanın və Ukraynanın dövlət himnləri səsləndi.

Prezidentlər fəxri qarovul dəstəsinin qarşısından keçdilər.

Prezident İlham Əliyev Ukrayna əsgərlərini salamladı.

Azərbaycan nümayəndə heyəti Prezident Viktor Yanukoviçə, Ukraynanın dövlət və hökumət nümayəndələri Prezident İlham Əliyevə təqdim olundu.

Fəxri qarovul dəstəsi prezidentlərin qarşısından keçdi.


Böyük ölçüdə