Hörmətli cənab Prezident. Mən bu sözləri Sizin şəhidlərlə vida mərasimində etdiyiniz çıxışın təsiri altında yazıram. Azərbaycana rəhbərlik etdiyiniz bu illərdə Siz qətiyyətli rəhbər, böyük dövlət adamı, xalqına verdiyi bütün vədlərə əməl etmiş siyasi xadim kimi qəlbimizdə dərin rəğbət hissi doğurmusunuz. Siz bir neçə il bundan əvvəl “Bizim ordumuzun büdcəsi Ermənistanın büdcəsi qədər olacaqdır” deyəndə, mən bunun üçün xeyli zaman tələb olunacağını düşünürdüm. Lakin xalqını sevən, qətiyyətli Komandanın başçılığı altında əlçatmaq arzular belə, reallığa çevrilir.

Mən şəhidlərin vida mərasimində çıxışınızda Sizin necə böyük insan, vətənpərvər Prezident, xalqının kədərini öz şəxsi kədəri hesab edən böyük lider olduğunuzu bir daha dərk etdim. Hər bir vətəndaş, hər bir döyüşçü Ali Baş Komandanın bir ata kimi onların qayğısını çəkdiyini, onlara dayaq durduğunu bir daha gördü. Bu xalq və bu ordu bir daha yenilməyəcəkdir. Eşq olsun Sizə, cənab Prezident! Biz Sizinlə fəxr edirik!

Dərin hörmətlə,

Məmmədli Müşfiq Fazil oğlu
Azərbaycan Respublikasının Sumqayıt şəhəri, 48-ci məhəllə, ev 1, mənzil 76.