Azərbaycan mədəniyyəti və incəsənətində daim müşahidə etdiyim yeniliklər və inkişaf tendensiyaları ürəyimi qürur hissi ilə doldurur. Ümumiyyətlə, həyatımızın bütün sahələrində vüsətli inkişaf göz qabağındadır. Dirçəlmiş iqtisadiyyat, adamı heyrətə gətirən quruculuq və abadlıq işləri məni son dərəcə fərəhləndirir. Bütün bunlara görə bir ziyalı və vətəndaş kimi Sizə öz dərin minnətdarlığımı bildirmək istəyirəm. Öz işinizlə, düzgün və düşünülmüş daxili, habelə cəsarətli xarici siyasətinizlə Siz bir daha sübut etdiniz ki, dahi atanızın çox layiqli övladı və davamçısısınız. Zənnimcə, biz ziyalılar vaxtilə böyük sınaqlarla üzləşmiş Vətənimizin gələcəyi üçün rahat ola bilərik. Azərbaycan doğrudan da möhkəm və güclü əllərdədir. 

Qoy bundan sonra da ulu tanrı Sizə yar olsun! 

Hörmət və ehtiramla,

Aqşin Əlizadə, bəstəkar, xalq artisti