Hörmətli cənab Prezident!

Siz ulu öndər Heydər Əliyevin gələcəyə ünvanlanmış inkişaf strategiyasını çox böyük uğurla davam etdirərək Azərbaycanı dünyanın inkişaf etməkdə olan ölkələri sırasına çıxarmısınız. Bilavasitə Sizin rəhbərliyinizlə iqtisadiyyatımızda həyata keçirilən köklü islahatlar, dünya iqtisadi məkanına sürətli inteqrasiya, respublikamızdakı sabitlik, eyni zamanda gənclərə göstərdiyiniz qayğı ölkədə iqtisadi artıma, sosial–iqtisadi vəziyyətin yaxşılaşmasına və xalqın firavan yaşamasına möhkəm zəmin yaratmışdır. 

Səhiyyə, təhsil, mədəniyyət və idmanda, sözün əsl mənasında, böyük dönüş yaranmışdır. Bu dinamika ölkənin sosial-iqtisadi inkişaf strategiyasının, Sizin imzaladığınız müvafiq proqramların, fərman və sərəncamların uğurla həyata keçirilməsinin məntiqi nəticəsidir. Respublikamızda gənclərin problemləri daim diqqətinizdə saxladığınız prioritet məsələlərdən biri olmuşdur.

Gənclərə göstərdiyiniz diqqət və qayğıya görə Sizə öz adımdan və rayon gəncləri adından minnətdarlığımı bildirirəm. Sizə uzun ömür, cansağlığı arzulayıram. 

Hörmətlə,

Malik Qədirov
Sabirabad Mərkəzi Rayon Xəstəxanasının işçisi

Sabirabad şəhəri, H.Əliyev prospekti, dalan 1, ev 20.