Möhtərəm Prezident,

2010-cu il noyabrın 14-ündə ailəmiz xoş bir xəbərin sevincini yaşadı. Belə ki, ailə üzvü 5 nəfərdən ibarət olan ikinci qrup Qarabağ müharibəsi əlilinə Azərbaycan Respublikası Əmək və Əhalinin Sosial Müdafiəsi Nazirliyinin xətti ilə tikilmiş hər cür şəraiti olan yaşayış evinin açarları təqdim olundu. 

Cənab Prezident,

Sağlamlığını Vətənin azadlığı yolunda qurban vermiş Qarabağ əlilinə göstərdiyiniz belə yüksək diqqət və qayğıya görə Sizə öz adımdan, ailəmin adından minnətdarlığımı bildirirəm. Bizlər - müharibə əlilləri Qarabağ probleminin sülh yolu ilə həlli istiqamətindəki xidmətlərinizi yüksək qiymətləndiririk və inanırıq ki, Sizin rəhbərliyiniz altında xalqımızın bu ağrılı problemi öz ədalətli həllini tapacaqdır. Eyni zamanda, Sizi əmin edirik ki, lazım gəldiyi halda torpaqlarımızın azadlığı uğrunda Ali Baş Komandan kimi Sizin hər bir əmrinizi yerinə yetirməyə hazırıq.

Möhtərəm Prezident,

Qarabağ müharibəsi əlilinə göstərdiyiniz bu qayğını ailəmiz heç zaman unutmayacaq. Bir daha Sizə öz minnətdarlığımı bildirirəm.
Dərin hörmətlə,

Əliyev Vahid Şamil oğlu

Ağdam rayonu Quzanlı kənd sakini, II qrup
Qarabağ müharibəsi əlili

14 noyabr 2010-cu il.