Əziz Prezidentimiz!

Ağdaş rayonunun sosial-iqtisadi və mədəni həyatında xidmətləri olan şəxslərin fəxri adlarla layiq görülməsi barədə Sərəncamınız bizi çox sevindirdi. Bu qayğını rayonumuzun bütün mədəniyyət işçilərinə göstərilən etimadın yüksək təzahürü kimi dəyərləndiririk. Son illər Sizin rəhbərliyinizlə mədəniyyətimizin inkişafına yaradılan şərait Ağdaşın da mədəni həyatında böyük canlanma yaratmışdır. Heydər Əliyev Fondunun təşəbbüsü ilə tikilib istifadəyə verilən Habil Əliyev adına musiqi məktəbi Ağdaşın mədəni mühitinə son dərəcə müsbət təsir göstərmişdir. Möhtəşəmliyi ilə diqqət cəkən bu musiqi məbədinə ötən il fevral ayının 12-də baş cəkməyiniz isə zəngin ənənələri olan məktəbin həyatında ən əlamətdar hadisə oldu.

Azərbaycan mədəniyyətinin inkişafına göstərdiyiniz qayğı bizi çox ruhlandırır. Sizi əmin edirik ki, musiqi məktəbinin pedaqoji kollektivi mədəniyyətimizin inkişafına yaradılan şəraitdən maksimum səmərəli istifadə etməklə mədəni dəyərlərimizin təbliği, gənc istedadların aşkara çıxarılması istiqamətində bütün imkan və bacarıqlarını tam səfərbər edəcəkdir. Sizin və Heydər Əliyev Fondunun prezidenti Mehriban xanımın böyük qayğısına cavab olaraq, biz, son sözünü bundan sonra deməklə mədəniyyətimizin inkişafına layiqli töhfələr verməyə çalışacağıq.

Yüksək qayğınıza görə Sizə səmimi minnətdarlığımı bildirir, dövləti fəaliyyətinizdə Sizə uğurlar və möhkəm cansağlığı arzulayırıq.

Allah Sizi qorusun!

Dərin hörmətlə,

Möysünə Hüseynova
Ağdaş, Habil Əliyev adına musiqi məktəbinin direktoru.