Nemət Qasımovdan, Bakı Azərbaycan

Azərbaycan Respublikasının Prezidenti İlham Əliyev cənablarına!

Mən - Qasımov Nemət Yusif oğlu 1972-ci ildə Gədəbəy rayonunun Kiçik Qaramurad kəndində anadan olmuşam. Mədəniyyət və İncəsənət Universitetinin “Rejissorluq” fakultəsini bitirmişəm. Azərbaycanda ilk dəfə olaraq Q.Qarayev adına 8 saylı musiqi məktəbinin nəzdində “Aşıq sənəti”ni təhsilə gətirmişəm. Ulu öndərimiz Heydər Əliyevin iştirak etdiyi tədbirlərdə dəfələrlə iştirak etmişəm.

Azərbaycanın birinci xanımı, Heydər Əliyev Fondunun prezidenti, millət vəkili, YUNESKO-nun və İSESKO-nun xoşməramlı səfiri Mehriban Əliyevanın təşəbbüsü və dəstəyi ilə aşıqlarımız Fransanın Luvr sarayında çıxış etdilər. Mən həmin konsertdə ifaçı və aşıqlar qrupunun rəhbəri oldum.

Şagirdlərimin sayı 400-dən artıqdır. Dəfələrlə dövlət tədbirlərində və sizin qarşınızda şagirdlərimlə çıxış etmişəm (Misal üşün Heydər Əliyev sarayında, Gülüstan sarayında, Buta Palasda, Növruz bayramında və s.). AMEA-nın Folklor İnstitutunda elmi işçi kimi fəaliyyət göstərirəm. “El şairi Zodlu Abdulla”-nın yaradıcılığı mövzusunda dissertasiya işim müdafiə ərəfəsindədir. Radio və televiziya kanallarında tez-tez elmi çıxışlar edirəm.

Cənab Prezident!

2010-cu il sentyabrın 17-də mədəniyyət xadimlərinə fəxri adların verilməsi ilə bağlı Sərəncam imzalamısınız. Həmin sərəncamla mən də “Əməkdar Mədəniyyət İşçisi” fəxri adına layiq görülmüşəm. Bu adı şərəflə qorumağa və öz işimdə daha məsuliyyətli olmağa çalışacağam.

Cənab Prezident!

Mən şagirdlərimin və şəxsən ailəmin adından sizə təşəkkür edirəm.

Nemət Yusif oğlu Qasımov
Azərbaycan Respublikası, Bakı şəhəri,

Abşeron rayonu, Masazır kəndi