Rəfail Cəfərovdan, Bakı, Azərbaycan

Hörmətli cənab Prezident!

Bakı və Bakıətrafı qəsəbələrin sosial-iqtisadi inkişafı proqramının icrası ilə əlaqədar, 2011-ci il martın 31-də Bülbülə qəsəbəsində olmağınız, bütün Suraxanı sakinləri kimi məni də çox sevindirdi.

Əlamətdar haldır ki, Siz yerli sakinlərlə fikir mübadiləsi apardınız, problemlərlə yerində tanış oldunuz. Bülbülə qəsəbəsində görüş zamanı Bülbülə və Əmircan yolunun əsas magistrala - şəhərə çıxışının təmin olunmasına dair qəsəbə sakinlərinin xahişi Sizin göstərişinizdən sonra dərhal yerinə yetirilməyə başladı. Bu da əhalinin Sizə olan rəğbətini daha da artırdı.

Qəsəbələrarası yolların asfaltlaşdırılması, işıqlandırılması, yeni məktəb binasının tikilməsi haqqında verdiyiniz göstərişlər, Atəşgah qoruq məbədinə diqqətiniz, bir sözlə, əhalinin rifahının yaxşılaşdırılması üçün atdığınız bütün addımlar suraxanılıların ürəyincədir. İnanırıq ki, Sizin gördüyüz böyük işlər yaddaşımızdan silinməyəcək.

Hörmətli cənab Prezident!

Sizə gördüyüz və görəcəyiniz böyük işlərdə uğurlar diləyir, bütün suraxanlılar və şəxsən öz adımdan Sizə təşəkkür edirəm. Biz Sizi daim dəstəkləmişik, Sizin daxili və xarici siyasətinizi bundan sonra da dəstəkləyəcəyik.

Həkim Cəfərov Rəfail Cəfər oğlu

Suraxanı rayonu, Əmircan qəsəbəsi, Bakı.