Möhtərəm cənab Prezident!

2011-ci il Bülbülə sakinlərinin ən uğurlu, ən sevincli və ən qürurverici illərindən biri olmaqla əbədi olaraq xatirəmizdən silinməyəcək. Müdrik, xalqını sevən və ulu öndərin estafetini uğurla davam etdirən Prezidentimizin bizim qəsəbəyə gəlişi belə bir təəssüratın yaranmasına səbəb oldu.

Cənab Prezident, biz bülbüləlilər Sizin göstəriş və Sərəncamınızla görülən işlərdən çox məmnunuq. Yaşadığımız ərazidə çəkilən yollara, eləcə də digər kommunal sahələrdəki problemlərin həllinə görə, Sizə təşəkkürümüzü bildiririk. İnanırıq ki, tapşırığınızla nəzərdə tutulan işlər tam başa çatdırıldıqdan sonra bir daha qəsəbəmizə gələcək və bizi sevindirəcəksiniz. Arzu və diləyimiz budur ki, Allah Sizi sevindirsin və daim Sizə dayaq olsun.

Hörmətlə,

Qamət Həşimov

Azərbaycan Respublikası, Bakı şəhəri,

Bülbülə qəsəbəsi