Azərbaycan Respublikasının Milli Məclisi Azərbaycan Respublikası Konstitusiyasının 94-cü maddəsinin I hissəsinin 23-cü bəndini rəhbər tutaraq qərara alır: 

“Yol hərəkəti haqqında” Azərbaycan Respublikasının Qanununda (Azərbaycan Respublikasının Qanunvericilik Toplusu, 1998-ci il, № 9, maddə 564; 2001-ci il, № 5, maddə 298, № 11, maddələr 676, 698; 2002-ci il, № 1, maddə 9, № 8, maddə 463; 2003-cü il, № 8, maddə 424; 2004-cü il, № 2, maddə 57, № 11, maddə 901; 2005-ci il, № 4, maddə 277, № 10, maddə 874, № 11, maddə 993; 2006-cı il, № 12, maddə 1027; 2007-ci il, № 6, maddə 560, № 11, maddələr 1053, 1091; 2008-ci il, № 2, maddə 49, № 6, maddələr 453, 463, № 7, maddə 602; 2009-cu il, № 2, maddə 47, № 4, maddə 210, № 12, maddə 948; 2010-cu il, № 7, maddə 598; Azərbaycan Respublikasının 2010-cu il 21 dekabr tarixli 38-IVQD nömrəli qanunu) aşağıdakı dəyişikliklər edilsin: 

1. 14-cü maddədə “keçmiş” sözündən sonra “, habelə sahibinin mülki məsuliyyəti Azərbaycan Respublikasının qanunvericiliyinə uyğun olaraq sığorta etdirilmiş,” sözləri əlavə edilsin;

2. 27-ci maddənin I hissəsinin ikinci cümləsində “uçota alınması,” sözlərindən sonra “sahibinin mülki məsuliyyətinin icbari sığortasının təmin edilməsi,” sözləri əlavə edilsin; 

3. 30-cu maddənin VII hissəsinə aşağıdakı məzmunda 5-ci bənd əlavə edilsin: 

“5) nəqliyyat vasitəsinin sahibinin mülki məsuliyyətinin icbari sığortası müqaviləsinin Azərbaycan Respublikasının qanunvericiliyinə uyğun olaraq bağlanması faktını təsdiq edən sığorta şəhadətnaməsini.”; 

4. 37-ci maddənin I hissəsinin 1-ci bəndində “qeydiyyat şəhadətnaməsini,” sözlərindən sonra “nəqliyyat vasitəsinin sahibinin mülki məsuliyyətinin icbari sığortası müqaviləsinin Azərbaycan Respublikasının qanunvericiliyinə uyğun olaraq bağlanması faktını təsdiq edən sığorta şəhadətnaməsini,” sözləri əlavə edilsin.

İlham Əliyev
Azərbaycan Respublikasının Prezidenti

Bakı şəhəri, 4 mart 2011-ci il.