Nəcibə Eynalova və başqalarından, Masallı, Azərbaycan

Hörmətli cənab Prezident,

Siz çox xeyirxah və alicənab şəxsiyyətisiniz. Sizin gördüyünüz işlər respublikamızın hər bir vətəndaşının həyatına müsbət təsir göstərir, insanların firavan yaşayışını təmin edir.

Bu yaxınlarda Masallı rayonunun Abasbəyli və Xəlfələr kəndlərinə içməli su xəttinin çəkilməsi biz qadınları uzaq məsafədən su daşımaq kimi çətinlikdən qurtardı. Həmçinin Yeyənkənd kəndində müasir həkim məntəqəsinin tikilib istifadəyə verilməsi insanların keyfiyyətli tibbi xidmətlə təmin edilməsində mühüm rol oynayır.

Cənab Prezident, ölkəmizin bütün vətəndaşları kimi, biz də Sizi dəstəkləyir və həmişə Sizinlə olduğumuzu bildiririk. Bizə göstərdiyiniz qayğı və dəstəyə görə Sizə minnətdarlığımızı çatdırır, Sizə və xanımınıza, ailə üzvlərinizə həyatda ən şirin nemət olan cansağlığı, uzun ömür, ailə səadəti və işlərinizdə müvəffəqiyyətlər arzulayırıq.

Hörmətlə,

Eynalova Nəcibə

Məcidova Əsmayyə

Allahverdiyeva Saray

Şahbazova Səriyyə və başqaları.

Azərbaycan Respublikası, Masallı rayonu, Yeyənkənd kəndi.