Sakit Hümbətov və başqalarından, Ağcabədi, Azərbaycan
Çox hörmətli cənab Prezident.
Əsası ulu öndər Heydər Əliyev tərəfindən qoyulmuş və bu gün Sizin tərəfinizdən uğurla davam etdirilən uğurlu təhsil siyasəti nəticəsində bu sahədə böyük nailiyyətlər əldə edilib.
Sizin rəhbərliyiniz ilə həyata keçirilən tədbirlər və qəbul edilən qanunlar deməyə əsas verir ki, digər sahələrdə olduğu kimi, elm və təhsil sahəsində də qazanılan yüksək nailiyyətlər gündən-günə inkişaf edən ölkəmizin parlaq gələcəyinin müjdəsidir. Sizin 2018-ci il fevralın 16-da imzaladığınız Sərəncamla Ağdam, Laçın, Füzuli və Tərtər rayonlarında quraşdırılacaq modul tipli 8 məktəbdən birinin bizim işlədiyimiz Ə.Əsgərov adına Laçın rayonunun Ağbulaq kənd tam orta məktəbi olması bu təhsil ocağının müəllim və şagird kollektivinin, eyni zamanda, kənd sakinlərinin hədsiz sevincinə səbəb olub. Məcburi köçkün həyatının doğurduğu çətinliklərə baxmayaraq, dövlətimizin göstərdiyi daimi diqqət və qayğı sayəsində məktəbimizin kollektivi Vətənimizin parlaq gəncliyini yetişdirmək, gənclərə yüksək səviyyədə bilik və tərbiyə vermək üçün öz töhfəsini əsirgəməyib. Hər zaman olduğu kimi, bu dəfə də bizə göstərdiyiniz yüksək qayğıya görə məktəbimizin bütün kollektivi adından Sizə dərin minnətdarlığımızı bildiririk. Sizi əmin edirik ki, aprelin 11-də keçiriləcək prezident seçkilərində Sizin namizədliyinizi dəstəkləyəcəyik. İnanırıq ki, Siz bütün xalqımızın dəstəyi ilə yenidən qələbə qazanacaqsınız.
Sizə möhkəm cansağlığı, gündən-günə çiçəklənən Azərbaycanımızın inkişafı yolunda yorulmaz fəaliyyətinizdə uğurlar arzulayırıq.
Ağcabədi rayonunun Taxtakörpü qəsəbəsində müvəqqəti məskunlaşmış, Laçın rayon Ağbulaq kənd tam orta məktəbinin kollektivi adından dərin hörmətlə,
Hümbətov Sakit Yaqub oğlu
Həsənov Kamil Məmmədəli oğlu
Bəxtiyarov Qorxmaz Cəfərqulu oğlu
Hümbətov Saleh Sakit oğlu
Baxşəliyev Yusif Əli oğlu
İmamalıyev Dostəli Hüseyn oğlu
Həsənov Kərim Camal oğlu
Xıdırov Əziz Qasım oğlu
Həsənov Musa Camal oğlu
Qənbərov Rövşən Əsgərxan oğlu.
Azərbaycan Respublikası, Ağcabədi rayonu.