Səyyad Quliyevdən, Masallı, Azərbaycan

Hörmətli cənab Prezident.

Sizin həyata keçirdiyiniz daxili və xarici siyasətinizin uğurlarını görür və bəyənirik. Təsdiq etdiyiniz Dövlət proqramı əsasında Masallı rayonunun bizə qonşu Şatıroba kəndində 180 şagird yerlik ümumi orta məktəb binası tikilərək istifadəyə verilib, Şatıroba, Türkoba, Hişkədərə, Miyankü, Kubin kəndlərinin yolları əsaslı təmir olunub.

Əziz Prezidentimiz, insanların rifahının yaxşılaşdırılmasına xidmət edən bu savab işlərinizə görə Sizə minnətdarlığımızı bildiririk. Qarşıdan gələn Novruz bayramı münasibətilə Sizi təbrik edir, möhkəm cansağlığı, işlərinizdə yeni-yeni uğurlar arzulayırıq.

Hörmətlə,

Quliyev Səyyad,

Masallı Rayon Ağsaqqallar Şurasının sədri.

Azərbaycan Respublikası, Masallı rayonu, Türkoba kəndi.