İlham Əliyev Qubada Nizami adına mədəniyyət və istirahət parkında aparılan yenidənqurma işləri ilə tanış olmuş, Şahmat Məktəbinin açılışında iştirak etmişdir

24 sentyabr 2011, 14:50
İlham Əliyev Qubada Nizami adına mədəniyyət və istirahət parkında aparılan yenidənqurma işləri ilə tanış olmuş, Şahmat Məktəbinin açılışında iştirak etmişdir

Prezident İlham Əliyev uba rayonuna səfəri çərçivəsində Nizami adına mədəniyyət və istirahət parkında aparılan yenidənqurma işləri ilə tanış olmuş, Şahmat Məktəbinin açılışında iştirak etmişdir.

Dövlət başçısı əvvəlcə şəhərin Səməd Vurğun və Qasım İsmayılov küçələrinin kəsişməsində yerləşən Nizami adına mədəniyyət və istirahət parkında aparılan yenidənqurma işləri ilə tanış olmuşdur. Parkın ərazisini gəzən Prezident İlham Əliyevə burada aparılan abadlıq-quruculuq işləri barədə məlumat verildi. Bildirildi ki, parkda ictimai iaşə və sosial obyektlərin yenidən qurulması və fasad hissələrinin plitələrlə üzlənməsi işləri görülmüşdür. Parkın ərazisinə daxil olan və Quba şəhəri ilə Qırmızı Qəsəbəni birləşdirən pilləkən kompleksi yenidən qurulmuş, əraziyə daxil olmaq üçün iki giriş qapısı inşa edilmiş və həmin qapılar ağlay materialı ilə üzlənmişdir. Parkın yenidən qurulması ilə əlaqədar 3,5 min kvadratmetr sahəyə tamet plitə döşənmiş, 800 kvadratmetrlik yaşıllıq sahəsi salınmış, açıq havada xalqımızın görkəmli şəxsiyyətlərinin heykəllərindən ibarət “Şəxsiyyətlər muzeyi” yaradılmışdır. Burada, həmçinin Nizami Gəncəvinin əsərlərinin reproduksiyası əsasında 16 panno, yeni işıqlandırma və suvarma sistemləri qurulmuşdur.

Qeyd edildi ki, Şahmat Məktəbinin fasadı üzlük ağlay daşları və şəbəkə ilə üzlənmiş, parkın ərazisində hündürlüyü 18 metr olan qala yaradılmışdır. Qalanın üzərində 12 metr hündürlüyündə Azərbaycan Respublikasının dövlət bayrağı ucaldılmışdır. Ərazisi 2,25 hektar olan Nizami adına mədəniyyət və istirahət parkında yerləşən birmərtəbəli Şahmat Məktəbinin köhnə binası sökülmüş, yerində müasir tələblərə cavab verən ümumi sahəsi 800 kvadratmetr olan ikimərtəbəli yeni bina inşa edilmişdir.

Prezident İlham Əliyev Şahmat Məktəbinin rəmzi açılışını bildirən lenti kəsdi.

Top fiquru formasında inşa olunan Şahmat Məktəbinin binası parka xüsusi gözəllik verir. 2010-cu ilin aprel ayından inşasına başlanılan məktəbin birinci mərtəbəsinin foyesində ulu öndər Heydər Əliyevin və Prezident İlham Əliyevin ölkəmizdə şahmatın inkişafına və şahmatçılara göstərdikləri yüksək diqqət və qayğını əks etdirən fotoguşələr yaradılmışdır. Burada 1983-cü ildə fəaliyyətə başlayan Quba Şahmat Məktəbinin və onun yetirmələrinin əldə etdikləri nailiyyətlər, kubok və diplomlar nümayiş olunur.

Məktəbin birinci mərtəbəsində kompyuter salonu və 6 məşğələ otağı fəaliyyət göstərir. Bütün otaqlar simsiz internet şəbəkəsi ilə təmin edilmişdir. İkinci mərtəbədə 300-350 idmançının eyni vaxtda mübarizə apara biləcəyi zal vardır. Zalda keçirilən yarışları monitorlar vasitəsilə də izləmək mümkündür. Burada məşğələ otaqları və inzibati otaqlar yerləşir.
Diqqətə çatdırıldı ki, Quba Şahmat Məktəbinin rayondakı 11 ümumtəhsil məktəbində nümayəndəlikləri də fəaliyyət göstərir. İdmanın bu növünün rayonda inkişafı əldə edilən uğurlu nəticələrdə də öz əksini tapır.

Dövlət başçısı görülmüş işləri yüksək qiymətləndirdi, tövsiyə və tapşırıqlarını verdi. 

gallery-photogallery-photogallery-photogallery-photogallery-photogallery-photogallery-photogallery-photo
SƏNƏDLƏR Fərmanlar 28 mart 2024
14:39
“Avtomobil yolları haqqında” Azərbaycan Respublikasının Qanununda dəyişiklik edilməsi barədə” Azərbaycan Respublikasının 2024-cü il 23 fevral tarixli 1101-VIQD nömrəli Qanununun tətbiqi və “Avtomobil yolları haqqında” Azərbaycan Respublikası Qanununun tətbiq edilməsi barədə” Azərbaycan Respublikası Prezidentinin 2000-ci il 10 mart tarixli 299 nömrəli Fərmanında dəyişiklik edilməsi haqqında Azərbaycan Respublikası Prezidentinin Fərmanı

Azərbaycan Respublikası Konstitusiyasının 109-cu maddəsinin 19-cu və 32-ci bəndlərini rəhbər tutaraq, “Avtomobil yolları haqqında” Azərbaycan Respublikasının Qanununda dəyişiklik edilməsi barədə” Azərbaycan Respublikasının 2024-cü il 23...

28 mart 2024, 14:39
SƏNƏDLƏR Fərmanlar 27 mart 2024
14:10
Azərbaycan Respublikası Prezidentinin 2017-ci il 25 dekabr tarixli 1760 nömrəli Fərmanı ilə təsdiq edilmiş “Azərbaycan Respublikasının İpoteka və Kredit Zəmanət Fondunun Nizamnaməsi”ndə dəyişiklik edilməsi haqqında Azərbaycan Respublikası Prezidentinin Fərmanı

Azərbaycan Respublikası Konstitusiyasının 109-cu maddəsinin 32-ci bəndini rəhbər tutaraq, “Qiymətli kağızlar bazarı haqqında” Azərbaycan Respublikasının Qanununda dəyişiklik edilməsi barədə” Azərbaycan Respublikasının 2023-cü il 6 iyul...

27 mart 2024, 14:10