Çox hörmətli cənab Prezident!

Mənim yaradıcılığımı bu qədər yüksək qiymətləndirdiyinizə, mənə Azərbaycanın Əməkdar artist fəxri adını verdiyinizə görə Sizə dərin minnətdarlığımı bildirirəm. Bu mənim yaradıcılıq bioqrafiyamda ən qiymətli və şərəfli hadisədir. Bununla bərabər, bu ad çox böyük bir məsuliyyətdir. Həmin adı şərəflə daşımağa və doğma Azərbaycanımın musiqi mədəniyyətini daha yüksəklərə ucaltmağa çalışacağam.

Əməyimə verdiyiniz qiymət məni yeni yaradıcılıq uğurlarına ilhamlandırır. Sizi əmin etmək istəyirəm ki, gələcəkdə də öz sənətimlə ölkəmizin zəngin mədəniyyətinə layiqincə qulluq edəcək, onun nailiyyətlərini təbliğ edəcək və artıracağam.
Cənab Prezident, Sizin Azərbaycan mədəniyyətinin inkişafına sərf etdiyiniz əmək, səhnə zəhmətkeşlərinə dəstəyiniz, doğrudan da, qiymətsizdir. Biz Sizin qayğınızı hiss edirik və buna görə də Sizə minnətdarıq.

Cənab Prezident, Sizə cansağlığı, uzun ömür, ölkəmizin rifahına və Azərbaycan mədəniyyətinin inkişafına yönəlmiş planlarınızı həyata keçirməkdə tükənməz enerji arzu edirəm.

Dərin hörmətlə,
Azərbaycanın Əməkdar artisti Elçin Əzizov

Bakı, Azərbaycan.