Hörmətli Prezidentimiz İlham Əliyev,

Biz ağsaqqallar Sizin rəhbərliyinizlə Azərbaycanda görülən abadlıq və quruculuq işlərinə baxıb çox sevinirik, çünki dünya şöhrətli şəxsiyyət ulu öndərimiz Heydər Əliyevin gerçəkləşdirə bilmədiklərinin hamısını edir, onun arzularını layiqincə yerinə yetirirsiniz. Ona görə də kəndimizin və rayonumuzun bütün ağsaqqalları adından Sizə təşəkkür edir və dönə-dönə sağ ol deyirik.

Biz ağsaqqallar çox fəxr edirik ki, ulu öndərimiz Heydər Əliyevin böyük işlərini Sizin kimi geniş dünyagörüşlü və alicənab insan davam etdirir. Biz ağsaqqallar Sizi çox sevirik və bütün işlərinizi dəstəkləyirik.

Hörmətli İlham Əliyev, demək olar ki, Azərbaycanın bütün şəhər və rayonları Sizin səyləriniz nəticəsində gündən-günə gözəlləşir.

Bu cəhətdən bizim rayonun mərkəzi Salyan şəhəri də tamamilə dəyişib. Bu şəhəri gəzəndə adam gözlərinə inanmır. Axı biz bu şəhərin keçmişini də yaxşı xatırlayırıq. Çox sevinirik ki, bu gün Salyan şəhəri tamamilə dəyişib, ən gözəl şəhərlər sırasına daxil olub.

Hörmətli Prezident İlham Əliyev, bir daha bütün Salyan ağsaqqalları adından Sizə möhkəm cansağlığı, uzun ömür və işlərinizdə yeni-yeni nailiyyətlər arzulayıram.

Kərimbəyli kənd Ağsaqqallar Şurasının sədri Z.S.Quluyev

Azərbaycan Respublikası, Salyan rayonu, Kərimbəyli kəndi.