Hörmətli Viktor Fyodoroviç,

Sizi yubileyiniz – anadan olmağınızın 60-cı ildönümü münasibətilə ürəkdən təbrik edirəm.

Dost  Ukraynaya başçılıq etməklə Siz dərindən düşünülmüş və məqsədyönlü siyasətinizlə xalqınızı cəmiyyət həyatının bütün sahələrində qətiyyətlə islahatlar və modernləşdirmə yolu ilə aparırsınız. Ölkədə qanunçuluq və asayiş möhkəmlənir. Beynəlxalq birlikdə onun nüfuzu artır.

Ta qədimlərdən Azərbaycan və Ukraynanı sıx dostluq, qarşılıqlı etimad və dəstək telləri bağlayır. Əminəm ki, bizim dövlətlərarası münasibətlərimiz bu xoş ənənələrə söykənərək, xalqlarımızın çiçəklənməsi, regionda sülhün, sabitliyin və tərəqqinin naminə bundan sonra da inkişaf edəcək və genişlənəcəkdir.

Hörmətli Viktor Fyodoroviç, Sizə dövlət fəaliyyətinizdə gələcək uğurlar arzulayıram.  Sizə və ailənizə möhkəm cansağlığı, xoşbəxtlik və firavanlıq diləyirəm.

Hörmətlə,

İlham ƏLiyev

Azərbaycan Respublikasının Prezidenti

Bakı, 1 iyul 2010-cu il