Hörmətli möhtərəm Prezident!

Uzeyir Hacıbəyov adına Bakı Musiqi Akademiyasının 90 illik yubileyi münasibətilə bir çox əməkdaşların, o cümlədən mənim də Azərbaycan Respublikasının xalq artisti fəxri adı ilə təltif olunmağımla əlaqədar Sizə öz dərin minnətdarlığımı bildirirəm.

Cənab Prezident!

Təməli ulu öndərimiz Heydər Əliyev tərəfindən qoyulmuş incəsənətə, mədəniyyətə dövlət qayğısı bu gün Sizin simanızda ən yüksək zirvəyə qalxmışdır. Bunun nəticəsi olaraq bu gün Azərbaycan musiqi mədəniyyəti dünya xalqlarını zənginliyi və qədimliyi ilə təəccübləndirməkdədir. Azərbaycan musiqi mədəniyyətinə göstərdiyiniz bu qayğı və diqqətə görə Sizə təşəkkür edir, Sizin etimadınızı doğrultmağa hər an hazırıq. Xalqımızın rifahı naminə apardığınız böyük quruculuq işlərində Sizə daima uğurlar və yüksək nailiyyətlər əldə etməyi arzu edirik.

Dərin hörmətlə,

Məcnun Təbriz oğlu Kərim,
Azərbaycan Respublikasının xalq artisti, sənətşünaslıq
doktoru, professor.

Azərbaycan Respublikası, Bakı şəhəri, Həsən bəy Zərdabi küçəsi 72/2, mən.117.