Laçın rayonu mədəniyyət işçiləri adından, Laçın, Azərbaycan

Əziz və hörmətli Prezidentimiz,

Qarşıdan gələn Yeni il ərəfəsində öz ailə üzvlərinizlə birlikdə Qarabağ bölgəsinə gəlməyiniz və həyatınızın ən əziz günlərindən birini – 50 illik yubileyinizi məcburi köçkünlərlə birlikdə qeyd etməyiniz bütün qarabağlılar üçün unudulmaz bayrama çevrildi. Biz bir daha əmin olduq ki, Siz həqiqətən ulu öndərimiz Heydər Əliyevin ənənələrini yaşadır, davam etdirirsiniz və Qarabağı, Azərbaycanı onun qədər sevirsiniz.

Bu tarixi səfəriniz zamanı laçınlıların ünvanına səsləndirdiyiniz xoş sözlər bizdə böyük qürur hissi yaratdı, torpaqlarımızın işğaldan azad edilməsi yolunda göstərdiyiniz qətiyyət və möhkəm mövqeyiniz doğma Laçına qayıdacağımıza inamımızı artırdı.

Hörmətli Mehriban xanımla birlikdə ad gününüzü bizimlə keçirdiyinizə görə Sizə dərin minnətdarlığımızı bildirir, açılışında iştirak etdiyiniz yeni qəsəbənin bütün sakinləri adından 50 illik yubileyinizi ürəkdən təbrik edir, Sizə və Sizin şəxsinizdə Azərbaycan dövlətinə Vətənimizin tərəqqisi, ərazi bütövlüyümüzün bərpası uğrunda işlərdə uğurlar və qələbələr arzulayırıq.

Laçın rayonunun mədəniyyət işçiləri adından
Elman Əliyev, Ofelya Şükürova, Xaliq Dünyamalıyev və başqaları.