Möhtərəm cənab Prezident,

Müstəqil Azərbaycan dövlətinin banisi, xalqımızın ümummilli lideri Heydər Əliyev siyasi kursunun layiqli davamçısı kimi Sizin həyata keçirdiyiniz müdrik siyasət nəticəsində Azərbaycan bu gün iqtisadi cəhətdən inkişaf etmiş ölkələrdən birinə çevrilmişdir.

Regionlarının sosial-iqtisadi inkişafı Dövlət Proqramı ölkəmizin hər yerində olduğu kimi, Qazax rayonunda da uğurla davam etdirilir. Hazırda Qazax rayonunda “Şahmat məktəbi” və “Gənclərin asudə vaxt mərkəzi”nin tikintisi sürətlə davam etdirilir. Şəhərin qərb girişində Bayraq meydanı salınır, yollar genişləndirilir, göz oxşayan hasarlar çəkilir, mərkəzi yolun kənarında olan binalara müasir görkəm verilir.

Sizin Qazax rayonuna, o cümlədən sərhədyanı Quşçu Ayrım və Məzəm kəndlərinə göstərdiyiniz diqqət və qayğı sayəsində son dövrlər kəndimizdə də böyük abadlıq və quruculuq işləri aparılmışdır. Kəndarası yollar, ticarət, iaşə və digər sosial obyektlər təmir edilmiş, sakinlərin içməli suya olan tələbatı tam ödənilmiş, köhnəlmiş qaz və su xətləri bərpa edilmiş, məktəblərdə əsaslı təmir işləri aparılmışdır. Əhalidə gələcəyə böyük inam və ruh yüksəkliyi yaranmışdır. Mənfur düşmənlə üzbəüz olmalarına, tez-tez düşmən əsgərlərinin atəşlərinə məruz qalmalarına baxmayaraq, kənd sakinlərində qurmaq, yaratmaq eşqi daha da artmışdır.

Möhtərəm cənab Prezident,

Bütün bunlar Sizin daxili və xarici siyasət sahəsində yeritdiyiniz müdrik siyasət sayəsində mümükün olmuşdur. Bu işlərə görə biz Sizə dərin minnətdarlığımızı bildirir və xalqımızın xoşbəxt gələcəyi naminə Sizə daha böyük uğurlar arzulayırıq.

Dərin hörmət və ehtiramla,

Qazax rayonunun Quşçu Ayrım və
Məzəm kənd sakinləri adından Rüstəmova Balaxanım Qaraca qızı, Mirzəyev Abbas Qərib oğlu, İsmayılov İsgəndər Nəsib oğlu, Pirvəliyev Aslan Məmməd oğlu, Talıbov Qədimalı Qiyas oğlu və başqaları. Cəmi: 13 imza

Azərbaycan Respublikası, Qazax rayonu, Quşçu Ayrım və Məzəm kəndləri.