Hörmətli Prezident! Sizə Xocalı faciəsinin ildönümü ilə əlaqədar yazıram. Mən Sizin yeritdiyiniz siyasəti ürəkdən dəstəkləyirəm.

Möhtərəm Prezident! Xocalı harada yaşamağımızdan asılı olmayaraq hər bir azərbaycanlının qəlbində sağalmayan yaradır.

Biz bu dəhşətli faciənin qurbanlarını unutmamışıq və dərin hüznlə xatırlayırıq. Bu gün biz Sizin və diasporun sayəsində çox şeyə nail olmuşuq. Biz həmişə bu faciə haqqında informasiyanı mümkün olan hər yerdə yaymağa çalışırıq ki, bütün dünya onun əsl günahkarlarını tanısın. Həmin tədbirləri yaşadığımız ölkələrdə keçirməyimizin, yaxud faciə haqqında informasiyanı internetdə yaymağımızın fərqi yoxdur. Biz bunu edirik və bütün ömrümüz boyu edəcəyik.

Hörmətli Prezident! Vətənimiz və bütövlükdə bütün azərbaycanlılar üçün etdiklərinizə görə Sizə öz adımdan və ailəmin adından minnətdarlığımı bildirmək istəyirəm. Xocalı soyqırımı Ermənistanın Azərbaycana qarşı hərbi təcavüzünün ən dəhşətli və qanlı səhifələrindən biridir. Çox vaxt keçmişdir, lakin biz çoxlu günahsız insanın həlak olduğu bu faciəni unutmamışıq. Mən Sizin xarici siyasətinizi və Qarabağ haqqında həqiqətlərin çatdırılması məqsədi ilə beynəlxalq məkanda göstərdiyiniz səyləri dərin hörmətlə dəstəkləyirəm. Siz bizim fəxrimizsiniz və Sizin vətənpərvərliyiniz, yüksək əxlaqi keyfiyyətləriniz gələcək fəaliyyətimizə güc və təkan verir. Mən bilirəm və inanıram ki, işğal olunmuş torpaqları yalmız Siz qaytaracaqsınız. Sizin siyasətiniz dövlətimizi uğura aparır.

Hörmətlə,

Tural Şirinov, sahibkar
Estoniya Respublikası, Koxtla-Yarve şəhəri.