03 mart 2012, 15:00

Elşən Əsədovdan Bakı, Azərbaycan

Hörmətli cənab Prezident!

Siz ulu öndər Heydər Əliyevin gələcəyə ünvanlanmış inkişaf strategiyasını çox böyük uğurla davam etdirərək Azərbaycanı dünyanın inkişaf etməkdə olan ölkələri sırasına çıxarmısınız. Bilavasitə Sizin rəhbərliyinizlə iqtisadiyyatımızda həyata keçirilən köklü islahatlar, dünya iqtisadi məkanına sürətli inteqrasiya, respublikamızdakı sabitlik, eyni zamanda, gənclərə göstərdiyiniz qayğı ölkədə iqtisadi artıma, sosial-iqtisadi vəziyyətin yaxşılaşmasına və xalqın firavan yaşamasına möhkəm zəmin yaratmışdır.

Hörmətli cənab Prezident! Sizin sayənizdə Azərbaycanda baş vermiş ciddi müsbət dəyişikliklərə görə Sizə dərin minnətdarlığımı bildirmək istəyirəm. Məhz Sizin sayənizdə Azərbaycan dünya birliyində layiqli yer tutmuşdur. Azərbaycan xalqı Sizinlə fəxr edir! Gənclərə göstərdiyiniz diqqət və qayğıya görə Sizə öz adımdan və Bakı Dövlət Universitetinin çoxsaylı tələbələri adından minnətdarlığımı bildirirəm. Sizə uzun ömür, cansağlığı ailənizə xoşbəxt və gözəl günlər arzulayıram! Sizə bir daha təşəkkür edirəm!

Hörmətlə,

Əsədov Elşən Qabil oğlu

Bakı Dövlət Universitetinin magistri
Azərbaycan Respublikasının Bakı şəhəri, Yasamal rayonu, Mətbuat prospekti, 36.