Çox hörmətli cənab Prezident!

Respublikamızın hər guşəsinin gündən-günə abadlaşmasına böyük diqqət yetirirsiniz. Xüsusilə son vaxtlar kənd yollarının bərpasına, təmirinə və tikintisinə böyük əhəmiyət verməyiniz hər bir Azərbaycan vətəndaşı kimi biz samuxluları da olduqca sevindirir. Sizin 2012-ci il 10 aprel tarixli Sərəncamınızla 17 min nəfər əhalinin yaşadığı 6 kəndi birləşdirən Gəncə-Sərkar-Ziyadlı-Qovlarsarı – Qarayeri-Seyidlər-Qədili avtomobil yolunun tikintisi üçün ayırdığınız 2,5 milyon manat vəsait kəndlərimizin sosial-iqtisadi inkişafına böyük təkan verəcək, onların rayon mərkəzi ilə daha sıx əlaqəsini təmin edəcəkdir.

Cənab Prezident!

Biz samuxlular göstərdiyiniz qayğıya görə Sizə olduqca minnətdarıq. Azərbaycan xalqının gələcəyi və tərəqqisi üçün saldığınız bu yollar bizi daha yaxşı günlərə aparacaq və hamımızı ətrafınızda daha sıx birləşdirəcəkdir. Samux rayonunun ağsaqqalları, ziyalıları, gəncləri və bütün sakinləri adından Sizə bir daha təşəkkür edir və dərin minnətdarlığımızı bildiririk.

Dərin hörmətlə,

Samux rayonunun Sərkar, Ziyadlı, Qovlarsarı, Qarayeri,
Seyidlər və Qədili kənd sakinləri, ağsaqqalları və ziyalıları adından
Yusibov Cavanşir Əlibaba oğlu.
Azərbaycan Respublikası, Samux rayonu.