Möhtərəm Prezident!

Biz Böyük Vətən müharibəsi veteranları bəyan edirik ki, ümummilli lider Heydər Əliyevin Azərbaycanın müstəqil dövlət quruculuğundakı misilsiz xidmətlərini daim gözlərimiz önünə gətirərək bugünkü firavan həyatımız üçün bu dahi şəxsiyyətə əbədi borcluyuq. Ölkəmizə rəhbərliyiniz dövründə Respublikamızın sürətli tərəqqisi və sosial-iqtisadi inkişafı, onun lider və islahatçı ölkəyə çevrilməsi ümummilli liderimizin müəyyənləşdirdiyi strateji xəttin təntənəsinə daha bir sübutdur. Siz ölkəmizin bütün vətəndaşlarına, xüsusilə də yaşlı insanlara daim diqqət və qayğı göstərirsiniz. 1941-1945-ci illər Böyük Vətən müharibəsinin iştirakçılarına, həlak olmuş və ya sonralar vəfat etmiş döyüşçülərin dul arvadlarına, arxa cəbhədə fədakar əməyinə görə orden və medallarla təltif edilmiş şəxslərə birdəfəlik maddi yardım verilməsi barədə Sərəncamınıza, 9 may Qələbə günü münasibətilə rayonda bizim üçün təşkil olunan yüksək tədbirə görə Masallı veteranları adından Sizə dərin minnətdarlığımızı bildiririk. Siz müdrik xalqımız tərəfindən sevilən, qəbul edilən, sözü, vədi, əməli vəhdət təşkil edən rəhbərsiniz.

Allah Sizi qorusun!

Hörmətlə,

Masallı rayon Böyük Vətən müharibəsi veteranları adından:
Atabala Hacıyev, Tərlan Nəzərov, Adgül Mirzəyev.

Azərbaycan Respublikası, Masallı rayonu.