Vəfa Hüseynovadan, Füzuli, Azərbaycan

Möhtərəm cənab Prezident!

Əvvəla salamlarımı bildirmək istəyirəm. Bu məktubu hansı hisslərlə yazdığımı bir Allah bilir. Hal-hazırda Bakıda “Eurovision” mahnı müsabiqəsinin birinci yarımfinalı keçirilir. Bu qədər mükəmməl təşkilatçılıq, Azərbaycan mədəniyyətinin bu qədər gözəl, yerində təsviri məni riqqətə gətirir. Sevincimin həddi-hüdudu yoxdur. İmkanım olsaydı elə indi qaça-qaça Bakıya gəlib Sizi bağrıma basardım və qışqıraraq Heydər Əliyev cənablarının – Ulu öndərimizin – “Mən fəxr edirəm ki, mən Azərbaycanlıyam” sözlərini bütün dünyaya çatdırardım. “Natiq” ritm qrupunun Qobustan qayalıqlarından götürülmüş daşın üzərində ritmlər ifa etməsi, eyni zamanda zurnanın, tarın, kamançanın səsləndirilməsi bir azərbaycanlı kimi məni dillə təsəvvür edilə bilməyəcək qədər fərəhləndirdi. Sevindim ki, dünyanın ən qədim yaşayış məskənlərindən, mədəniyyət abidələrindən birinin – Qobustan qayalıqlarının Azərbaycanda olduğunu bütün dünya gördü.

Hörmətli cənab Prezident!

Bu səviyyəyə qalxmağımız, “Eurovision” mahnı müsabiqəsinin Azərbaycanda keçirilməsi Sizin gərgin əməyinizin nəticəsidir.

Sizə dərin təşəkkürlərimi bildirirəm.

Çox sağ olun.

Hörmətlə,

Füzuli rayon Horadiz şəhər sakini Vəfa Yaşar qızı Hüseynova.
Azərbaycan Respublikası, Füzuli rayonunun Horadiz şəhəri.