Hörmətli cənab Prezident!

Respublikamızın həyatında baş verən hadisələr bir gənc kimi məni də narahat etməyə bilməz. Amma bu son gündə baş verən bir çox sevindirici hallar cəmiyyətimizdə xoş təəssürat doğurmuşdur. Ramil Səfərov üçün çəkilən əziyyətlərdə birbaşa iştirakınız gözlədiyimiz hədiyyəni reallaşdırdı. Erməni diasporasının fəaliyyəti bir gün içərisində “müflisləşdi”.

Allah Sizdən razı olsun, millətimizin başına müsibətlər gətirən ermənilərlə mübarizədə Azərbaycan xalqı daim sizinlədir.

Əminik ki, xalqımızın rifahının yaxşılaşdırılması ilə bağlı həyata keçirdiyiniz islahatlar insanlarımızın mənəvi hisslərinin daha da yaxşılaşmasına xidmət edəcəkdir.

Möhkəm lider arxasında möhkəm, əzmli xalq dayanar. İnanın ki, xalqımızın mənəvi möhkəmliyinə çox böyük təsiriniz dəymişdir.

Hörmətlə,

Zaur Adıgözəlov.

Azərbaycan Respublikası, Bakı şəhəri.