Azərbaycan Milli Ordusunun zabiti, Vətənimizin igid oğlu, milli qürurumuz Ramil Səfərovun əfv edilməsi barədə imzaladığınız Sərəncamı səbirsizliklə gözləyən İsmayıllı rayon dindarları adından Sizə sonsuz təşəkkürlərimi bildirirəm. Bu gözəl davranışınızı ürəkdən alqışlayırıq. Nə vaxtsa ədalətin bərqərar olacağına ümidini üzməyən İsmayıllı dindarları bu təqdirəlayiq addımın gec-tez Sizin tərəfinizdən atılacağını gözləyirdi.

Əfv etmək Qurani-Kərimdə Allahın tövsiyə etdiyi əməllərdən biridir. Siz də müqəddəs Qurani-Kərimin tövsiyələrinə uyğun addım atmısınız.

Azərbaycan Respublikasının çiçəklənməsi naminə gördüyünüz bütün işləri ürəkdən alqışlayır, Sizə bu yolda uğurlar arzulayırıq. İsmayıllı dindarları Sizin siyasətinizi dəstəkləyir və daim Sizinlədirlər.

Hörmətlə,

İsmayıllı rayon dindarları adından Amil Abdulov.

Azərbaycan Respublikası, İsmayıllı rayonu.