Salam hörmətli cənab Prezident İlham Əliyev!

Mən Məmmədzadə Tamerlan Avtandil oğlu hazırda Amerika Birləşmiş Ştarlarının Massaçusetts ştatının Boston şəhərində təhsil alıram. Əvvəlcə burada ingilis dilini dərindən öyrənməyə, sonra isə aparıcı universitetlərdən birinə daxil olub Azərbaycanımız üçün layiqli peşəkar olmağa çalışacağam.

Mən Amerikada tələbə yoldaşlarıma və yaxınlarıma Azərbaycanımız haqqında ətraflı məlumat verir, onların internet vasitəsi ilə ölkəmizlə yaxından tanış olmalarına çalışıram.

Ölkəmizdə baş verən yeniliklər, Azərbaycanımızın firavan və sürətlə inkişaf edən bir dövlətə çevrilməsi üçün göstərdiyiniz səylər uzaq Amerikada qəlbimizi iftixar hissi ilə doldurur. Sizin gördüyünüz möhtəşəm işlər müstəqil Azərbaycan dövlətimizin beynəlxalq aləmdə yerini və nüfuzunu gündən-günə möhkəmləndirir. Vətənini sevən hər bir azərbaycanlı Sizin yeritdiyiniz siyasətin uğurlarını görür və buna ürəkdən sevinir.

Sizə hədsiz minnətdarlığımı bildirir və burada ölkəmizin daha geniş tanınması üçün əlimdən gələni edirəm və edəcəyəm.

Tanrı Sizi qorusun!

Hörmətlə,
Məmmədzadə Tamerlan Avtandil oğlu

ABŞ, Massaçusetts ştatı, Boston şəhəri,
Brookline, Beacon street 17.