Möhtərəm cənab Prezident!

Siz respublikamızın siyasi, iqtisadi və mədəni inkişafı naminə çox önəmli işlər görmüsünüz. Belə gərgin iş qrafikinizin olmasına baxmayaraq, Siz mədəniyyət və incəsənət xadimlərimizi heç vaxt diqqətdən kənar qoymursunuz.

18 sentyabr – Milli Musiqi Günü ilə əlaqədar imzaladığınız Sərəncamda öz adımı “Xalq artisti” fəxri adı alanların siyahısında görəndə sevincimin həddi-hüdudu yox idi. Qeyd edim ki, bu il Siz həyatımın ən əziz günlərində - doğum günümdə məni “Prezident təqaüdü”nə və bir neçə gün bundan əvvəl milli musiqimizin banisi Üzeyir bəyin ad günü – musiqi günü ərəfəsində “Xalq artisti” fəxri adına layiq görməklə mənə hədsiz sevinc bəxş etdiniz.

Mənim kiçik əməyimə verdiyiniz böyük qiymətə görə Sizə ailəm adından və öz adımdan dərin təşəkkürümü bildirirəm. Bu diqqət və qayğının nəticəsində mən də öz növbəmdə daha möhtəşəm əsərlər yazmağı özümə borc bilirəm.

Sizə Tanrıdan uzun ömür, cansağlığı, ailə xoşbəxtliyi və müstəqil respublikamızın gündən-günə çiçəklənməsi naminə yeni-yeni uğurlar arzulayıram.

Hörmətlə,

Eldar Mansurov.
Azərbaycan Respublikası, Bakı şəhəri.