Prezident İlham Əliyev Latviya Respublikasının sabiq Prezidenti Valdis Zatlers ilə görüşmüşdür. 

Görüşdə Bakıda keçirilən Beynəlxalq Humanitar Forumun humanitar əməkdaşlığın möhkəmləndirilməsi işində rolu qeyd edildi, bu cür tədbirlərin mədəniyyətlərarası dialoqun inkişaf etdirilməsi baxımından önəmi vurğulandı.

Prezident İlham Əliyev və Valdis Zatlers Azərbaycan-Latviya münasibətlərinin müxtəlif sahələrdə inkişafından razılıq ifadə etdilər.