İlham Əliyev Regional İnformasiya Mərkəzinin açılışında iştirak etmişdir

07 oktyabr 2012, 18:40
İlham Əliyev Regional İnformasiya Mərkəzinin açılışında iştirak etmişdir

Prezident İlham Əliyev Heydər Əliyev Fondunun təşəbbüsü ilə Yevlax şəhərində inşa olunmuş məhdud fiziki imkanlı insanlar üçün Regional İnformasiya Mərkəzinin açılışında iştirak etmişdir.

Mərkəzin kollektivi və rayon sakinləri dövlətimizin başçısını hərarətlə qarşıladılar.

Prezident İlham Əliyev mərkəzin rəmzi açılışını bildirən lenti kəsdi.

Məlumat verildi ki, bu mərkəz Heydər Əliyev Fondunun “Kor və görmə qabiliyyəti zəif olan insanların informasiya-kommunikasiya texnologiyalarına çıxışının təmin edilməsi” layihəsi çərçivəsində inşa olunmuşdur. Bu gün Heydər Əliyev Fondu Azərbaycanda təhsilin, səhiyyənin və mədəniyyətin inkişafı istiqamətində həyata keçirdiyi layihələr bölgələrdə də uğurla icra olunur. Fondun “Kor və görmə qabiliyyəti zəif olan insanların İKT-yə çıxışının təmin edilməsi” layihəsi Azərbaycanda bu qəbildən olan insanların İKT ilə bağlı ehtiyaclarını müəyyənləşdirməyi, bu kateqoriyadan olan uşaqlar üçün məktəb-internatda kitabxana və təlim mərkəzinin yaradılmasını, bununla da onların bu imkanlardan tam istifadəsinin təmin olunmasını, əlavə təlimlərin keçirilməsini, belə uşaqlar üçün məktəb-internatda model İKT sinfinin yaradılmasını nəzərdə tutur.

Vurğulandı ki, bu layihə 2006-cı ildə BMT-nin İnkişaf Proqramı ilə Heydər Əliyev Fondu arasında imzalanan saziş çərçivəsində həyata keçirilir. Layihə üzrə İKT ehtiyaclarının qiymətləndirilməsi sahəsində beynəlxalq ekspert, İKT üzrə milli ekspert, təlim üzrə milli məşvərətçidən ibarət “Texniki ekspertlər qrupu” yaradılmış, Məşvərətçi Şura fəaliyyətə başlamışdır. İndiyədək layihə çərçivəsində iki bölgədə - Naxçıvanda və Gəncədə regional mərkəzlər yaradılmışdır.

Qeyd olundu ki, şəhərin Heydər Əliyev prospektində inşa edilən mərkəzin üçmərtəbəli binasında beş sinif, bir tədris, bir audio-studiya otağı, kitabxana və digər yardımçı otaqlar vardır. Artıq xaricdən gətirilən avadanlığın quraşdırıldığı model İKT sinifləri yaradılmış, kitabxana və təlim mərkəzləri fəaliyyətə başlamışdır. Bununla da kor və görmə qabiliyyəti zəif olan uşaqların “Brayl” şriftli kitablardan istifadə imkanlarının genişləndirilməsi istiqamətində ciddi addım atılmışdır. Bundan əlavə, gözdən əlil insanlar üçün audio kitabxana və tələb olunan bütün növ ədəbiyyatın audio formatda hazırlanması işi həyata keçirilmişdir. Hazırda bu proses davam edir. İnternetdə informasiyanın tapılması və əldə edilməsi məqsədi ilə kompyuter mərkəzi də istifadəyə verilmişdir. Kor və görmə qabiliyyəti zəif olan insanlar üçün təlim keçəcək müəllimlərin hazırlanması işi aparılmış, kompyuterlər üçün “Virqo” xüsusi proqram təminatı Azərbaycan dilinə tərcümə edilərək lokallaşdırılmışdır.

Bildirildi ki, kor və məhdud görmə qabiliyyətinə malik insanların İKT ehtiyaclarını müəyyən etmək üçün Azərbaycanın müxtəlif regionlarında 12 min respondent arasında sorğu aparılmış, “Rəqəmsal fərqin aradan qaldırılması üzrə Milli Strategiya” işlənib hazırlanmışdır. Xaricdən gətirilən avadanlıqla təchiz olunan mərkəzdə “Pronto”, “Brayl” printeri və digər zəruri avadanlıq quraşdırılmışdır.

Mərkəzlə tanışlıqdan sonra Prezident İlham Əliyev gözdən əlil insanlarla görüşdü.

Azərbaycan Gözdən Əlillər Cəmiyyətinin sədri Səmiyar ABDULLAYEV dedi:

- Cənab Prezident, bu, artıq üçüncü mərkəzdir. Belə mərkəz həm Naxçıvanda, həm Gəncədə vardır.

Prezident İlham ƏLİYEV: Mən Gəncədə də, Naxçıvanda da olmuşam. Yadımdadır, üçüncüdür.

Səmiyar ABDULLAYEV: Heydər Əliyev Fondu digər regionlarda da belə mərkəzlərin tikilməsi üçün artıq işlər görür, layihələr hazırdır. Ona görə Sizə, Mehriban xanıma öz adımdan, təmsil etdiyim icma adından bir daha dərin təşəkkürümü bildirirəm. Bir daha tam əminliklə deyə bilərəm ki, bu gün ölkəmizdə fiziki qüsurlu insanlara böyük qayğı və diqqət vardır. Bu qayğı nəinki postsovet məkanında, heç Avropanın bir çox inkişaf etmiş ölkələrində yoxdur. Bu cür mərkəzlərin xüsusilə də regionlarda açılması həmin regionlarda yaşayan əlillərə çox gözəl töhfədir. Bu mərkəzlər əlillərin fiziki imkanlarının genişləndirilməsi, informasiya-kommunikasiya texnologiyalarından istifadə vərdişlərinə yiyələnmələri üçün geniş imkanlar açır. Bu isə onların sevincinə səbəb olur.

Sizə bir daha dərin təşəkkürümüzü bildiririk. Sağ olun.

Prezident İlham ƏLİYEV: Sağ olun! Bu, bizim siyasətimizdir. Hər bir vətəndaş bizim üçün qiymətlidir, dəyərlidir. Fiziki cəhətdən qüsurlu insanlar isə xüsusi qayğıya layiqdirlər və biz çalışırıq ki, bunu edək. Çox şadam ki, Heydər Əliyev Fondu da bu nəcib işdə fəal iştirak edir. Burada yüksək şərait yaradılmış, müasir avadanlıq quraşdırılmışdır. Bu, ən mütərəqqi yanaşmadır.

Səmiyar ABDULLAYEV: Burada çox müasir, ən yüksək texnologiyalara əsaslanan imkanlar yaradılıb.

Prezident İlham ƏLİYEV: Əlillərin normal həyata inteqrasiyası üçün Azərbaycanda çox böyük işlər görülür. Bir çox hallarda bizim təcrübəmiz başqa ölkələrdə öyrənilir. Əlbəttə, belə regional mərkəzlərin sayı çox olmalıdır. Bu mərkəz bir neçə rayona xidmət göstərir.

Səmiyar ABDULLAYEV: Bəli, digər regionlarda da belə mərkəzlərin yaradılması nəzərdə tutulub, şimalda, cənubda.

Prezident İlham ƏLİYEV: Bəli şimalda da, cənubda da mütləq olacaqdır.

Səmiyar ABDULLAYEV: Heydər Əliyev Fondunun, Rabitə və İnformasiya Texnologiyaları Nazirliyinin birgə layihəsi əsasında digər bölgələrdə də bu cür mərkəzlərin açılması nəzərdə tutulub. Sağ olun.

Prezident İlham ƏLİYEV: Sizi təbrik edirəm. Sağ olun! 

gallery-photogallery-photogallery-photogallery-photogallery-photogallery-photogallery-photogallery-photo
SƏNƏDLƏR Qanunlar 17 noyabr 2026
15:46
“Azərbaycan Respublikasının Mərkəzi Bankı haqqında” Azərbaycan Respublikasının Qanununda dəyişiklik edilməsi barədə Azərbaycan Respublikasının Qanunu

Azərbaycan Respublikasının Milli Məclisi Azərbaycan Respublikası Konstitusiyasının 94-cü maddəsinin I hissəsinin 10-cu və 27-ci bəndlərini rəhbər tutaraq qərara alır:               

“Azərbaycan Respublikasının Mərkəzi Bankı haqqında” Azərbaycan Respublikası Qanununu...

17 noyabr 2026, 15:46
SƏNƏDLƏR Fərmanlar 17 noyabr 2026
15:44
“Azərbaycan Respublikasının Əmək Məcəlləsində və “Aviasiya haqqında” Azərbaycan Respublikasının Qanununda dəyişiklik edilməsi barədə” Azərbaycan Respublikasının 2026-cı il 27 oktyabr tarixli 499-VIIQD nömrəli Qanununun tətbiqi və “Aviasiya haqqında” Azərbaycan Respublikasının 2023-cü il 22 dekabr tarixli 1058-VIQ nömrəli Qanununun tətbiqi barədə” Azərbaycan Respublikası Prezidentinin 2024-cü il 15 fevral tarixli 1 nömrəli Fərmanında dəyişiklik edilməsi haqqında Azərbaycan Respublikası Prezidentinin Fərmanı

Azərbaycan Respublikası Konstitusiyasının 109-cu maddəsinin 19-cu və 32-ci bəndlərini rəhbər tutaraq, “Azərbaycan Respublikasının Əmək Məcəlləsində və “Aviasiya haqqında” Azərbaycan Respublikasının Qanununda dəyişiklik edilməsi barədə” Azərbaycan Respublikasının 2026...

17 noyabr 2026, 15:44
SƏNƏDLƏR Qanunlar 17 noyabr 2026
15:43
Azərbaycan Respublikasının Əmək Məcəlləsində və “Aviasiya haqqında” Azərbaycan Respublikasının Qanununda dəyişiklik edilməsi barədə Azərbaycan Respublikasının Qanunu

Azərbaycan Respublikasının Milli Məclisi Azərbaycan Respublikası Konstitusiyasının 94-cü maddəsinin I hissəsinin 1-ci, 16-cı və 23-cü bəndlərini rəhbər tutaraq qərara alır:                                               

Maddə 1. Azərbaycan Respublikasının Əmək Məcəll...

17 noyabr 2026, 15:43
SƏNƏDLƏR Qanunlar 17 noyabr 2026
15:41
“Azərbaycan Respublikası ilə Özbəkistan Respublikası arasında əbədi dostluq haqqında Müqavilə”nin təsdiq edilməsi barədə Azərbaycan Respublikasının Qanunu

Azərbaycan Respublikasının Milli Məclisi Azərbaycan Respublikası Konstitusiyasının 95-ci maddəsinin I hissəsinin 4-cü bəndini rəhbər tutaraq qərara alır:                                              

2026-cı il avqustun 23-də Daşkənd şəhərində imzalanmış “Azərbaycan ...

17 noyabr 2026, 15:41
SƏNƏDLƏR Qanunlar 17 noyabr 2026
15:40
“Azərbaycan Respublikası Hökuməti ilə Özbəkistan Respublikası Hökuməti arasında pensiya təminatı sahəsində əməkdaşlıq haqqında Saziş”in təsdiq edilməsi barədə Azərbaycan Respublikasının Qanunu

Azərbaycan Respublikasının Milli Məclisi Azərbaycan Respublikası Konstitusiyasının 95-ci maddəsinin I hissəsinin 4-cü bəndini rəhbər tutaraq qərara alır:                                                          

2026-cı il avqustun 23-də Daşkənd şəhərində imzalanmış ...

17 noyabr 2026, 15:40
SƏNƏDLƏR Fərmanlar 16 noyabr 2026
13:30
“Bir pəncərə” informasiya sistemi haqqında Əsasnamə”nin təsdiq edilməsi barədə Azərbaycan Respublikası Prezidentinin Fərmanı

Azərbaycan Respublikası Konstitusiyasının 109-cu maddəsinin 32-ci bəndini rəhbər tutaraq, “İdxal-ixrac, tranzit, nəqliyyat və logistika üzrə fəaliyyətin rəqəmsallaşdırılması ilə bağlı əlavə tədbirlər haqqında” Azərbaycan Respublikası Prezidentinin 2025-ci il 15 dekab...

16 noyabr 2026, 13:30
SƏNƏDLƏR Sərəncamlar 16 noyabr 2026
13:28
2027-ci ildə növbəti “Yüksəliş” müsabiqəsinin keçirilməsi ilə bağlı tədbirlər haqqında Azərbaycan Respublikası Prezidentinin Sərəncamı

Azərbaycan Respublikası Konstitusiyasının 109-cu maddəsinin 32-ci bəndini rəhbər tutaraq qərara alıram:

1. 2027-ci ildə növbəti “Yüksəliş” müsabiqəsinin keçirilməsi ilə bağlı cari işlərin görülməsi üçün Azərbaycan Respublikasının 2026-cı il dövlət büdcəsində nəzərdə ...

16 noyabr 2026, 13:28
SƏNƏDLƏR Fərmanlar 16 noyabr 2026
13:25
Xəzər dənizinin (gölünün) Azərbaycan Respublikasına mənsub olan bölməsinin sahilboyu ərazilərində dövlət idarəetməsinin təkmilləşdirilməsinə dair tədbirlər haqqında Azərbaycan Respublikası Prezidentinin Fərmanı

Azərbaycan Respublikası Konstitusiyasının 109-cu maddəsinin 32-ci bəndini rəhbər tutaraq, davamlı inkişafın və ekoloji sabitliyin təmin edilməsi ilə bağlı Xəzər dənizinin (gölünün) Azərbaycan Respublikasına mənsub olan bölməsinin sahilboyu ərazilərində idarəetmə və n...

16 noyabr 2026, 13:25
SƏNƏDLƏR Fərmanlar 16 noyabr 2026
13:21
“Texniki tənzimləmə haqqında” Azərbaycan Respublikasının Qanununda dəyişiklik edilməsi barədə” Azərbaycan Respublikasının 2026-cı il 27 oktyabr tarixli 500-VIIQD nömrəli Qanununun tətbiqi və “Texniki tənzimləmə haqqında” Azərbaycan Respublikasının 2019-cu il 30 sentyabr tarixli 1669-VQ nömrəli Qanununun tətbiqi barədə” Azərbaycan Respublikası Prezidentinin 2019-cu il 26 noyabr tarixli 863 nömrəli Fərmanında dəyişiklik edilməsi haqqında Azərbaycan Respublikası Prezidentinin Fərmanı

Azərbaycan Respublikası Konstitusiyasının 109-cu maddəsinin 19-cu və 32-ci bəndlərini rəhbər tutaraq, “Texniki tənzimləmə haqqında” Azərbaycan Respublikasının Qanununda dəyişiklik edilməsi barədə” Azərbaycan Respublikasının 2026-cı il 27 oktyabr tarixli 500-VIIQD nöm...

16 noyabr 2026, 13:21