Hörmətli cənab Prezident!

Sizin tapşırığınıza əsasən ölkəmizin bütün rayonlarında kənd yollarının tikintisi ilə bağlı geniş işlər görülür. Bizim yaşadığımız Sabirabad rayonu Bala Həşimxanlı kəndinə də yol çəkilişinə başlanılması sakinlərin böyük sevincinə səbəb olmuş və onların Sizə olan inamını daha da artırmışdır. Bununla yanaşı kəndimizə qaz və su xətlərinin çəkiləcəyini eşidəndə sevincimizin hədd-hüdudu yox idi.

Hörmətli cənab Prezident, bizə göstərdiyiniz qayğıya görə kəndimizin bütün sakinləri adından Sizə dərin minnətdarlığımızı bildiririk. Sizin apardığınız daxili və xarici siyasət bizim də ürəyimizcədir.

Biz qarşıdan gələn prezident seçkilərində Sizin namizədliyinizi dəstəkləyəcək və yekdilliklə Sizə səs verəcəyik. Sizə möhkəm cansağlığı, işlərinizdə müvəffəqiyyətlər arzulayırıq.

Kənd sakinləri adından dərin hörmətlə,

Fərəcov Dünyamalı Mətn oğlu
Pənciyev Zöhrab Hüseynağa oğlu
Pənciyev Nəsimi Murad oğlu
Cəfərov Niyaz Ağarəzi oğlu
Əliyev Yavər Yusif oğlu və başqaları.

Azərbaycan Respublikası, Sabirabad rayonu, Bala Həşimxanlı kəndi.