Hörmətli cənab Prezident!

Azərbaycan xalqının rifahı naminə apardığınız siyasətin uğurları bizi çox sevindirir. Siz tez-tez respublikamızın bölgələrinə səfər edərək dəyərli tapşırıq və göstərişlərinizlə abadlıq və quruculuq işlərinin sürətlənməsinə öz töhfənizi verirsiniz. Biz Sizin xarici ölkələrə səfərlərinizi də diqqətlə izləyirik. Bu səfərlər ölkəmizin dünyada miqyasında nüfuzunun daha da yüksəlməsinə, möhkəmlənməsinə xidmət edirlər.

Biz məcburi köçkünlərin yeganə ümid yeri Sizsiniz. Çünki Siz hər bir azərbaycanlının Prezidenti kimi həmişə bizim qayğımıza qalmısınız, ölkədə əmin-amanlıq yaratmısınız.

Çox hörmətli Prezident, qarşıdan ümummilli liderimiz Heydər Əliyevin anadan olmasının 90 illik yubileyi gəlir. Heydər Əliyev Azərbaycanı parçalanmaqdan, xaosdan xilas edərək, bugünkü azadlığı bizə bəxş etmişdir. Onun ruhu bizim üçün daim əzizdir. Çünki Heydər Əliyev Azərbaycanın ümummilli lideri və bütün türk dünyasının dahi şəxsiyyətidir. Biz fəxr edirik ki, bizim belə şəxsiyyətimiz olub və Siz bu gün layiqli varis kimi onun siyasətini davam etdirirsiniz.

Sizin apardığınız uğurlu siyasəti pərdə altına salmaq istəyənlər ya kordurlar, ya da daxilən paxıldırlar. Əgər belələri varsa, onlarda azərbaycanlı qanı olmasına şübhə edirik.

Hörmətli cənab Prezident, biz həmişə Sizinləyik. Allahdan Sizə və ailənizə cansağlığı, xoşbəxtlik diləyirəm. Azərbaycanın gündən-günə çiçəklənməsi, güclənməsi və azadlığı naminə fəaliyyətinizdə Sizə uğurlar arzulayıram.

Dərin hörmətlə,

Qasımov Laçın Rəşid oğlu,
məcburi köçkün.

Azərbaycan Respublikası, Ağcabədi rayonu, Yuxarı Qiyaməddinli kəndi.