Hörmətli cənab Prezident!

Şəhərimizdə aparılan abadlıq-quruculuq işləri Sizin diqqət və qayğınız sayəsində gündən-günə sürətlənir. Bu işlərin davam etdirilməsi üçün bu günlərdə Mingəçevir Şəhər İcra Hakimiyyətinə ayırdığınız vəsait şəhərimizin inkişafına böyük töhfə olacaqdır.

Hörmətli cənab Prezident, Mingəçevirin həm sənaye, həm də turizm şəhəri kimi inkişaf etdirilməsinə göstərdiyiniz diqqət və qayğı şəhərimizin bütün ziyalılarını sevindirmiş, onların Sizə olan inamını daha da artırmışdır.

Ümidvarıq ki, Sizin respublikanın bütün bölgələrinə, həmçinin Mingəçevirə olan diqqət və qayğınız şəhərimizi daha füsunkar və abad məkana çevirəcəkdir. Şəhər ziyalıları adından Sizə minnətdarlıq edir, möhkəm cansağlığı və xalqımızın rifahı naminə fəaliyyətinizdə yeni nailiyyətlər arzulayıram.

Ziyalılar adından dərin hörmətlə,

Əyyub Əyyubov.

Azərbaycan Respublikası, Mingəçevir şəhəri.