Möhtərəm cənab Prezident!

Ümummilli liderimiz Heydər Əliyevin siyasi kursunun davamçısı olaraq Azərbaycan milli incəsənəti və mədəniyyəti yolunda yaradıcılıq fəaliyyətləri ilə bağlı filarmoniyanın bir qrup sənətçisinə göstərdiyiniz etimada - onları Prezident mükafatına layiq gördüyünüzə görə, Sizə öz adımdan və Filarmoniyanın bütün əməkdaşları adından dərin təşəkkürümü və minnətdarlığımı bildirirəm. Sizin mədəniyyət işçilərinə göstərdiyiniz diqqət bir daha sübut edir ki, Siz həqiqətən mədəniyyətimizin böyük təminatçısı və qayğıkeşisiniz.

Bütün dünyada sayılıb-seçilən, adı xarici ölkələrdə hörmətlə çəkilən, nüfuzlu siyasi xadim kimi tanınan və qəbul edilən bir şəxsiyyətin davamçısı olaraq, Filarmoniyanın sənətçilərinin Prezident mükafatına layiq görülmələri bizi ruhlandırır və daha böyük uğurlar qazanmağa sövq edir.

Hörmətli cənab Prezident, Sizə möhkəm cansağlığı, uzun ömür diləyirəm. Sizə bir daha minnətdarlığımı bildirir və müstəqil Azərbaycanımızın çiçəklənməsi naminə fəaliyyətinizdə sonsuz uğurlar arzulayıram.

Dərin hörmət və ehtiramla,

Murad Adıgözəl-zadə.
Dövlət Filarmoniyasının direktoru

Azərbaycan Respublikası, Bakı şəhəri.