Möhtərəm cənab Prezident! 

Biz – İsmayıllı şəhəri Mübariz Orucov küçəsinin sakinləri rəhbərlik etdiyiniz Azərbaycanın vətəndaşı olmaq şərəfini indi daha böyük sevinclə yaşayırıq. Bilavasitə Sizin qayğınız, ulu öndər Heydər Əliyevin sizə əmanət etdiyi dövlətə, millətə sədaqətiniz sayəsində şəhərimiz sanki yenidən tikilir, müasirləşir və inkişaf edir. Uca şəxsiyyətinizin mərhəmətindən yaranan diqqət və qayğınız hər bir ünvana çatdırılır. Bütün bunlara görə İsmayıllı əhalisi, xüsusilə küçəmizin sakinləri Sizə minnətdardırlar, ünvanınıza alqış deyirlər. Küçəmiz abadlaşdırılır, yeni memarlıq üslubunda tərtib edilir. Yarasız hala düşmüş dam örtükləri yenilənir, hasarlar bərpa edilir. Sizin bu diqqət və qayğınız sayəsində biz hal-hazırda xoşbəxt həyat sürür, yeniliklərə qovuşur, dövlətçilik mövqeyində daha da möhkəmlənirik.

Allah amanında olasınız!

Hörmətlə,

Şahmar Eybalıyev
Nəbati Xəlilov
Qalsın Əhmədov
Zərifə Hacıyeva.

Azərbaycan Respublikası, İsmayıllı şəhəri, Mübariz Orucov küçəsi.