Hörmətli cənab Prezident!

Müasir Azərbaycan tarixində qazanılan ən böyük uğurlar xalqımızın ümummilli lideri Heydər Əliyevin adı ilə bağlıdır. Ulu Öndərin 1993-cü ildə xalqın təkidli tələbi ilə yenidən siyasi hakimiyyətə qayıdışı ölkəni ziddiyyətlər burulğanından xilas etdi.

Heydər Əliyev hər zaman dövlətin milli maraqlarını əsas tutmuş, yaxın və uzaq gələcəkdə Azərbaycanın inkişafının dəqiq taktikasını və strategiyasını müəyyənləşdirmişdir. Əsası ulu öndər tərəfindən qoyulmuş iqtisadi inkişaf strategiyası onun layiqli davamçısı Sizin tərəfinizdən müvəffəqiyyətlə davam etdirilir. Qısa zaman kəsiyində ölkədə ictimai-siyasi sabitliyin möhkəmlənməsi, beynəlxalq aləmdə işgüzar münasibətlərin qurulması, həyata keçirilən məqsədyönlü islahatlar ölkədə əhalinin rifah halının yaxşılaşmasına, yoxsulluğun minimum səviyyəyə enməsinə səbəb olmuşdur.

Möhtərəm Prezident, Sizi, Heydər Əliyev siyasi kursuna sadiqlik nümayiş etdirən dövlət başçısı kimi ölkəmizdə hökm sürən siyasi sabitliyin, əmin-amanlığın və sülhün qarantı hesab edirəm.

Zati-aliləri, Sizi və ailənizi 28 May – Respublika Günü münasibətilə ürəkdən təbrik edirəm. Sizə möhkəm cansağlığı, ölkəmizə isə böyük iqtisadi tərəqqi arzu edirəm. Sizi əmin edirəm ki, qarşıdan gələn Prezident seçkilərində ailəmlə birlikdə Sizə səs verəcəyik. Sizinlə qürur duyuram.

Dərin hörmətlə,
Vəlikişiyeva Aysel.

Azərbaycan Respublikası, Bakı şəhəri, Xətai rayonu.