Hörmətli İlham Heydər oğlu!

Milli bayramınız – Respublika Günü münasibətilə Ukrayna xalqı adından və şəxsən öz adımdan Sizi təbrik edirəm.

Bu gün Azərbaycan öz dövlətçiliyini möhkəmləndirir, beynəlxalq aləmdə nüfuzunu artırır, həyatın bütün sahələrində inamla yüksək göstəricilər nümayiş etdirir.

Məmnunluq hissi ilə qeyd etmək istəyirəm ki, bizim birgə səylərimiz sayəsində Ukrayna-Azərbaycan münasibətləri yüksək səviyyəyə çatmışdır. Əminəm ki, ikitərəfli əməkdaşlığın bütün mühüm istiqamətləri üzrə konstruktiv dialoqun daha da genişlənməsi hər iki dövlətin xalqlarının rifahı naminə strateji tərəfdaşlığın dərinləşməsinə şərait yaradacaqdır.

Hörmətli İlham Heydər oğlu, Sizə möhkəm cansağlığı, məsul dövləti fəaliyyətinizdə uğurlar, dost Azərbaycan xalqına sülh və firavanlıq arzulayıram.

Hörmətlə,

Viktor Yanukoviç
Ukrayna Prezidenti