Gerb

03 iyun 2013, 12:00

Hörmətli cənab Prezident!

Ölkəmizin hər bölgəsində olduğu kimi, Qubada da ildən-ilə geniş vüsət alan quruculuq işləri Sizin qubalılara yüksək qayğı və diqqətinizdən qaynaqlanır. Quba rayonunun Rustov inzibati ərazi dairəsinin sosial-iqtisadi inkişafı ilə əlaqədar 2013-cü il 31 may tarixli Sərəncamınızı Rustov kəndinin əhalisi onlara göstərdiyiniz diqqət və qayğının parlaq ifadəsi kimi sonsuz minnətdarlıq hissi ilə qarşılayır, ölkəmizin çiçəklənməsi, qüdrətlənməsi, beynəlxalq nüfuzunun daha da yüksəlməsi naminə titanik fəaliyyətinizdə Sizə uğurlar arzulayır.

Hörmətli cənab Prezident!

Bütün Azərbaycan xalqı kimi biz qubalılar, xüsusilə Rustov camaatı həmişə Sizinləyik. Tanrıdan Sizə və ailənizə cansağlığı, xoşbəxtlik diləyirik. Sizə uğurlar arzulayırıq.

Dərin hörmətlə,

Müəllimlər - Məmmədov Afəddin, Mövlanova Aynur, İlyasova Kəmalə, İsayeva Samirə, Məmmədov Pərviz, evdar qadın - Məmmədova Şəfiqə, tələbə - Məmmədova Afaq.

Azərbaycan Respublikası, Quba rayonu, Rustov kəndi.