Möhtərəm cənab Prezident! 

Gündən-günə inkişaf edən Gəncə şəhərinin qədim tarixi abidələri onun müasir siması ilə ahəng yaradaraq şəhərə xüsusi gözəllik verir. Bir çoxu Gəncə Dövlət Tarix–Mədəniyyət Qoruğu ərazisində yerləşən bu abidələrin bərpası və qorunub saxlanılması sahəsində Sizin misilsiz xidmətləriniz gəncəlilər tərəfindən böyük rəğbətlə qarşılanır. Qoruğun ərazisində yerləşən, qədim dövrlərdən yaxın və uzaqelli dindarların ziyarətgahına çevrilən “İmamzadə” Kompleksinin bərpası ilə bağlı imzaladığınız sərəncamlar, görülən işlərlə yerindəcə tanış olmağınız, bu işlərin tamamlanması üçün yenidən vəsait ayırmağınız Sizin Gəncə şəhərinin inkişafına, onun tarixi-mədəni irsinin mühafizəsinə çox böyük qayğı ilə yanaşdığınızı bir daha sübut edir. Bu qayğıya görə Sizə Qoruğun kollektivi adından dərin minnətdarlığımızı bildiririk.

Hörmətlə,

Fariz Tağıyev, Gəncə Dövlət Tarix-Mədəniyyət Qoruğunun direktoru

Azərbaycan Respublikası, Gəncə şəhəri.