Hörmətli cənab Prezident!

Sizin Sərəncamınızla bu ilin yanvarında Pirallahı rayonu yaradıldıqdan sonra keçən müddət ərzində burada baş verən müsbət dəyişikliklərə görə Sizə dərin təşəkkürümü bildirmək istəyirəm. Bu dəyişikliklərə təkcə mən yox, bütün Pirallahı camaatı ürəkdən sevinir.

Hörmətli cənab Prezident!Sizin rəhbərliyiniz sayəsində ölkəmizdə gedən sürətli inkişaf həyatımızın bütün sahələrini əhatə edir.

Respublikamızın hər yerində olduğu kimi, Pirallahı rayonunda da iqtisadiyyat inkişaf etməyə başlamış, yeni iş yerləri açılır, sosial problemlər uğurla həll olunur.

Ölkəmizin daha da qüdrətlənməsi və beynəlxalq nüfuzunun artması, xalqımızın rifahının yüksəlməsi naminə fəaliyyətinizdə

Sizə yeni-yeni uğurlar arzu edirəm.

Hörmətlə,

Tofiq Əzizov
“Şərəf nişanı” ordenli əmək veteranı.

Azərbaycan Respublikası, Bakı şəhəri, Pirallahı rayonu.