Möhtərəm cənab Prezident!

Azərbaycan teatr sənətinin inkişaf etdirilməsi ilə bağlı son illər Sizin gördüyünüz böyük işlər teatr ictimaiyyəti tərəfindən minnətdarlıq hissi ilə qarşılanmışdır. İncəsənət xadimlərinə Azərbaycan Respublikası Prezidentinin mükafatlarının verilməsi haqqında 2010-cu il 5 may tarixli Sərəncamınız ulu öndərimiz Heydər Əliyevin siyasi kursunun layiqli davamçısı kimi Sizin milli mədəniyyətimizə, o cümlədən sənət adamlarına qayğı və diqqətinizin bariz nümunəsidir.

Qarabağ mədəniyyətinin canlı yadigarı olan Şuşa Dövlət Musiqili Dram Teatrının son bərpaçılarından biri kimi mənim də bu mükafata layiq görülməyim təkcə mənim deyil, 135 illik tarixə malik olan Şuşa Teatrının bütün kollektivinin əməyinə verilən yüksək qiymətdir. Sizi əmin edirəm ki, Şuşa teatrının yaşaması və inkişaf etdirilməsi üçün bundan sonra da bütün bacarıq və istedadımı sərf edəcəyəm.

Ulu Tanrıdan Sizə cansağlığı və Qarabağ probleminin ədalətli həlli yolunda apardığınız uğurlu siyasətdə dönməzlik diləyirəm.

Dərin hörmətlə,

Yadigar Muradov

Respublikanın Əməkdar artisti

Azərbaycan Respublikası, Bakı şəhəri