Möhtərəm cənab Prezident!

50 illik yubileyim münasibətilə ölkənin yüksək mükafatı – “Şöhrət” ordeni ilə təltif olunmağım haqqında Sərəncamınızı böyük sevinc hissi ilə qarşıladım. Əməyimə verdiyiniz yüksək qiymətə görə Sizə dərin təşəkkürümü bildirirəm. Bu orden yaradıcı fəaliyyətim müddətində layiq görüldüyüm ən dəyərli mükafatlardan biri olacaqdır. 

Cənab Prezident! 

Layiq görüldüyüm bu mükafatı təkcə mənim sənətimə deyil, ümumilikdə uzun illərdən bəri çalışdığım aparıcı sənət ocağı olan Azərbaycan Dövlət Akademik Opera və Balet Teatrının fəaliyyətinə və milli muğam sənətimizə verilən yüksək qiymət kimi dəyərləndirirəm. 

Möhtərəm Prezident!

Sizə bir daha dərin minnətdarlığımı bildirir, Sizə və ailə üzvlərinizə möhkəm cansağlığı, uzun ömür və xoşbəxtlik arzulayıram. Əmin edirəm ki, milli muğam sənətimizin inkişafı və çiçəklənməsi naminə bundan sonra da var qüvvəmlə çalışacağam. 

Hörmətlə,
Mənsum İbrahimov

Azərbaycan Respublikasının Xalq Artisti,
Azərbaycan Respublikası Prezidentinin mükafatçısı, “Şöhrət” ordenli.