İzzət Səmədovdan, Kiyev, Ukrayna

Hörmətli cənab Prezident! 

Çox tərəddüd etdikdən sonra Sizə məktub yazmaq qərarına gəldim. Müvəqqəti olaraq Kiyev şəhərində yaşayıram. Ali təhsilliyəm. Vaxtınızı almaq istəmirəm. Sadəcə olaraq, bir-iki kəlmə ilə ürək sözlərimi Sizə bildirəcəm.

Bir azərbaycanlı kimi, Sizinlə fəxr edirəm. Silahlı Qüvvələrimizin yaradılmasının 95 illiyi münasibətilə Bakıda keçirilən möhtəşəm hərbi paradı həyəcansız müşahidə etmək mümkün deyildi. Qürur hissi ilə izlədim. Əzəmətli hərbi paraddan kadrlara baxarkən yanımda digər xalqların nümayəndələri də var idi. Güclü və şərəfli dövlətin vətəndaşı olmağımla fəxr etdim və bu hisslər məni tərk etmir. Doğma Vətənimizin böyük sürətlə inkişafına, hərbi gücümüzün artmasına görə Sizə və bu ağır işdə Sizinlə bir olan bütün komandanıza səmimi təşəkkür edirəm.

Allahdan Sizə güc və sağlamlıq diləyirəm. Tanrı Sizi qorusun və Siz də Azərbaycanımızı bütün bəlalardan xilas edəsiniz.
Var olun cənab Prezident! Biz Sizinlə fəxr edirik. Yazmaq üçün ürək sözlərim çox olsa da, vaxtınızı almaq istəmirəm. Ulu Tanrı Sizinlə olsun!

Hörmətlə,

Səmədov İzzət Əsədulla oğlu

Ukrayna, Kiyev şəhəri, Kartvelişvili küçəsi.