Hörmətli cənab Prezident! 

Bu gün Azərbaycanın teatr sənəti Sizin sayənizdə yeni inkişaf dövrünü yaşayır. Sizin Sərəncamınızla Azərbaycan teatrının maddi-texniki bazası gücləndirilmiş, bu sahədə çalışan sənət adamları hərtərəfli qayğı ilə əhatə olunmuşlar. Bütün bunları onlar böyük rəğbətlə qarşılayır və Sizin siyasətinizi daim dəstəkləyirlər.

Hörmətli cənab Prezident,

Səhnə fəaliyyətimi yüksək qiymətləndirərək, milli teatrımızın 140 illik yubileyi münasibətilə məni “Şöhrət” ordeni ilə mükafatlandırdığınıza görə Sizə dərin minnətdarlığımı bildirirəm. Sizə və ailənizə cansağlığı, xoşbəxtlik və səadət arzulayıram.

Dərin hörmət və ehtiramla,

Əhmədov İlham Namiq Kamal oğlu
Azərbaycan Respublikasının Xalq Artisti, professor

Azərbaycan Respublikası, Bakı şəhəri.