Əli Axundovdan, Salyan, Azərbaycan

Hörmətli cənab Prezident! 

Bu məktubu Sizə Salyan sakinləri adından yazmaqda məqsədim odur ki, Sizin təşəbbüsünüz sayəsində Neftçala rayonunda Kür çayı sahilində Fövqəladə Hallar Nazirliyinin limanı yaradılaraq, əraziyə lil sovuran gəmilər gətirilmişdir. Bu gəmilər vasitəsilə Kür çayının dibinin dərinləşdirilməsi bizi daşqın sularından birdəfəlik azad edir. Bundan başqa, cari ildə də bəndvurma işləri yüksək səviyyədə həyata keçirilmişdir.

Hörmətli cənab Prezident!

Sizin uğurla davam etdirdiyiniz ulu öndər Heydər Əliyev siyasətinin bəhrəsidir ki, Azərbaycan xalqı firavan yaşayır. Xalqımız heç bir çətinlikdən qorxmur, çünki Sizin kimi Prezidenti, arxa-dayağı vardır. Ölkəmizin gündən-günə inkişaf etməsinə və çiçəklənməsinə görə Sizə dərin minnətdarıq. Gələcək prezident seçkilərində də Sizi dəstəkləyəcəyimizi bildiririk.

Sizə bir daha uzun ömür, cansağlığı, işlərinizdə uğurlar, müvəffəqiyyətlər arzulayıram.

Dərin hörmət və ehtiramla,

Əli Axundov
Dövlət qulluqçusu

Azərbaycan Respublikası, Salyan rayonu, Q.Səmədov küçəsi