Hörmətli cənab Prezident!

Azərbaycanın Qafqaz ölkələri arasında lider olması və dünya dövlətləri arasında artan nüfuzu respublikamızın qüdrətindən xəbər verir.

İqtisadiyyatımız və siyasi gücümüz durmadan artır. İnsanların bugünkü yaşayış tərzinə baxanda məlum olur ki, həyatımızda tərəqqi vardır. Gənc nəslin xaricdə təhsil alması yaxın gələcəkdə ölkəmizin daha savadlı ziyalılar ölkəsinə çevriləcəyini göstərir. Bu da Sizin gənc nəslə və ölkə vətəndaşlarına olan qayğınızdır.

Çox hörmətli Prezident, bu gün Gəncə şəhərində böyük tərəqqi müşahidə olunur. Gəncə sanki əmək cəbhəsinə çevrilmişdir. Ulu öndərin adına layiq möhtəşəm Heydər Əliyev Mərkəzi, İmamzadə kompleksi, Gəncə Filarmoniyasının tikintiləri artıq başa çatmaq üzrədir. Bundan əlavə şəhərimizdə yeni binalar tikilir, məktəblər təmir olunur, yollar salınır və genişləndirilir, uşaq bağçaları, xəstəxanalar təmir olunur. Gəncə şəhəri gündən-günə gözəlləşir və abadlaşır.

Biz Gəncə şəhər sakinləri Sizin dövlətimizə və onun vətəndaşlarına olan qayğınızı görürük. Biz bu işlərə görə Sizə minnətdarlığımızı bildiririk. Yaxın vaxtlarda Prezident seçkiləri keçiriləcəkdir. Xalq Sizi dəstəkləyir. Sizə uzun ömür, cansağlığı arzulayıram. Allah Sizi qorusun!

Hörmətlə,

Məmmədov İlham Əziz oğlu.

Azərbaycan Respublikası, Gəncə şəhəri, Xəmsə küç. 46.