Hörmətli cənab Prezident!

Yaşadığımız Əliləmbəyli kəndinin əhalisi uzun müddət yolların bərbad vəziyyətdə olmasından əziyyət çəkirdi. Bizim bu əziyyətimizə son qoyduğunuza görə Sizə olduqca minnətdarıq. 2013-cü il iyulun 12-də imzaladığınız Sərəncamla Nizami-Əliləmbəyli-Azadkənd-Sarxanbəyli avtomobil yolunun tikintisi üçün dövlət büdcəsindən 6 milyon manat vəsait ayırdınız. Bu yolun çəkilişi kəndlərimizin daha sürətlə inkişaf etməsinə və abadlaşmasına səbəb olacaq və biz böyük zəhmətlə əkib-becərdiyimiz məhsullarımızı bazarlara daha rahat şəkildə çıxara biləcəyik.

Möhtərəm Prezident, bu yolun çəkilişi bizdə sabahımıza böyük inam yaratmışdır. Bu böyük qayğıya görə kəndimizin sakinləri, o cümlədən bütün sabirabadlılar adından Sizə dərin təşəkkürümü bildirir və “çox sağ olun” deyirəm. Əmin olun ki, biz Sizi həmişə dəstəkləyəcəyik.

Böyük hörmətlə,

Binəli Eminov.

Azərbaycan Respublikası, Sabirabad rayonu, Əliləmbəyli kəndi.