Hörmətli cənab Prezident,

Ölkənizin milli bayramı - Müstəqillik günü münasibətilə Sizi və bütün xalqınızı Azərbaycan xalqı adından və öz adımdan səmimi qəlbdən təbrik edirəm.

Ümidvaram ki, Azərbaycan ilə Peru arasındakı münasibətlərin inkişafı dostluq əlaqələrimizin möhkəmlənməsinə, əməkdaşlığımızın genişlənməsinə xidmət edəcəkdir.

Bu bayram günündə Sizə ən xoş arzularımı yetirir, dost Peru xalqına sülh və firavanlıq diləyirəm.

Hörmətlə,

İlham Əliyev
Azərbaycan Respublikasının Prezidenti

Bakı, 25 iyul 2013-cü il.